ମସ୍କୋ,୧୪ ।୧: ରୁଷିଆର ରାଷ୍ଟ୍ରପତି ଏବେ ଚିନ୍ତାଗ୍ରସ୍ତ ଥିବା କୁହାଯାଉଛି । ଯାହାର ପ୍ରମାଣ ବେଳେ ବେଳେ ଦେଖିବାକୁ ବି ମିଳୁଛି । ନିକଟରେ ଏକ ଭିଡିଓ କନଫରେନ୍ସିଂ ସମୟରେ ସେ ତାଙ୍କ ଉପ ପ୍ରଧାନମନ୍ତ୍ରୀଙ୍କ ଉପରେ ଖୁବ୍ ବର୍ଷିଛନ୍ତି । ଏବେ ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କୁହାଯାଉଛି କି ରୁଷିଆ ଓ ୟୁକ୍ରେନ୍ ମଧ୍ୟରେ ଲାଗି ରହିଥିବା ଯୁଦ୍ଧକୁ ନେଇ ପୁଟିନ ବିଚଳିତ ହେଉଛନ୍ତି, ଯାହା ସାର୍ବଜନିକ ମଞ୍ଚରେ ଦେଖିବାକୁ ମଳୁଛି ।
ମିଡିଆ ରିପୋର୍ଟ ଅନୁଯାୟୀ, ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ତାଙ୍କ ବରିଷ୍ଠ ମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂ ଜରିଆରେ କଥା ହେଉଥିଲେ । ଏହି ସମୟରେ ବ୍ୟବସାୟ ଓ ପ୍ରଗତି ମନ୍ଥର ହୋଇଯାଇଥିବା ଜାଣି ପୁଟିନ ରାଗିଯିବା ସହ ସମସ୍ତଙ୍କ ସାମ୍ନାରେ ମନ୍ତ୍ରୀଙ୍କ ଉପରେ ରାଗ ସୁଝାଇଥିଲେ ।
ଦ ଗାର୍ଡିୟନର ରିପୋର୍ଟ ଅନୁଯାୟୀ, ବୁଧବାର ପୁଟିନ ମନ୍ତ୍ରୀ ଓ ଅଧିକାରୀଙ୍କ ସହ ଭିଡିଓ କନଫରେନ୍ସିଂ ଜରିଆରେ କଥା ହେଉଥିଲେ । ଏହି ସମୟରେ ପୁଟିନ ବ୍ୟାପାର ଓ ଉଦ୍ଦ୍ୟୋଗ ମନ୍ତ୍ରୀ ଡେନିସ ମନ୍ଦୁରୋବଙ୍କୁ ଗାଳି କରିଥିଲେ । ଏହାସହ ଏକ ମାସ ମଧ୍ୟରେ ନାଗରିକ ଓ ସେନା ବିମାନ ପାଇଁ ଅର୍ଡର ହାସଲ କରିବା ଉପରେ କାମ କରିବାକୁ କହିଥିଲେ । ପୁଟିନ କହିଥିଲେ ଏବେ ଆଉ ସମୟ ଦେଇ ହେବ ନାହିଁ, କାରଣ ପୂର୍ବରୁ ବହୁତ ବିଳମ୍ବ ହୋଇସାରିଛି ।
