ଓଭାଲ୍,୭।୯: ଲିଡ୍ସ ଟେଷ୍ଟ ହାରିବା ପରେ ଓଭାଲରେ ଭାରତ ଏକ ଚମତ୍କାର ପ୍ରତ୍ୟାବର୍ତ୍ତନ କରିଛି। ପ୍ରଥମ ଇନିଂସରେ ୯୯ ରନ ପଛରେ ରହିବା ସତ୍ତ୍ୱେ ଭାରତ ୧୫୭ ରନରେ ଓଭାଲ ଟେଷ୍ଟକୁ କବଜା କରିଛି। ଖେଳର ଶେଷ ଦିନରେ ଭାରତକୁ ୧୦ ଉଇକେଟ ଦରକାର ଥିଲା ଏବଂ ବୋଲରମାନେ ବ୍ୟାଟିଂ ସୁହାଉଥିବା ଏକ ଭଲ ପିଚ୍ରେ ମାତ୍ର ୨୧୦ରନ ପାଇଁ ଇଂଲଣ୍ଡକୁ ଅଲଆଉଟ୍ ରଖିଥିଲେ। ୫୦ ବର୍ଷ ପରେ ଭାରତ ଓଭାଲ ଜିତିଛି ଏବଂ ଏବେ ଏହି ସିରିଜ ଜିତିବାର ସୁଯୋଗ ମଧ୍ୟ ପାଇଛି। ଓଭାଲରେ ବିଜୟ ପରେ ଟିମ ଇଣ୍ଡିଆକୁ ଚାରିଆଡ଼େ ପ୍ରଶଂସା କରାଯାଉଛି। ପୂର୍ବତନ କ୍ରିକେଟର ବୀରେନ୍ଦ୍ର ସେହ୍ବାଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଶେୟାର କରି ଇଂଲଣ୍ଡ ଦଳକୁ ଟ୍ରୋଲ କରିଛନ୍ତି।
ସେହ୍ବାଗ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ମୋଦିଙ୍କ ଏକ ଫଟୋ ପୋଷ୍ଟ କରିଛନ୍ତି, ଯେଉଁଥିରେ ଲେଖା ଅଛି – ଆପଣମାନେ କାନ୍ଦିବା ବନ୍ଦ କରନ୍ତୁ। ଫଟୋ କ୍ୟାପସନ ଲେଖିଛନ୍ତି – ଯେଉଁମାନେ ଭାବନ୍ତି ଯେ, ଏହି ଦଳ କେବଳ ଟର୍ନିଂ ପିଚରେ ଜିତିପାରିବ ସେମାନଙ୍କୁ ଟିମ ଇଣ୍ଡିଆ ଉତ୍ତର ଦେଇଛି। ସେହ୍ବାଗଙ୍କ ଏହି ପୋଷ୍ଟକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି। ଜଣେ ପ୍ରଶଂସକ ଲେଖିଛନ୍ତି – ଏହା ହେଉଛି ନୂଆ ଭାରତ ଯାହା ଘରେ ପ୍ରବେଶ କରି କେବେ ହାର ମାନେ ନାହିଁ।
ସୂଚନାଯୋଗ୍ୟ,ଓଭାଲ ଟେଷ୍ଟ ଜିତିବା ଭାରତ ପାଇଁ ସ୍ବତନ୍ତ୍ର। ଓଭାଲର ପିଚକୁ ପଞ୍ଚମ ଦିନରେ ଅତି ରୁଗ୍ଣ ବୋଲି ବର୍ଣ୍ଣନା କରାଯାଉଥିଲା ଏବଂ ଇଂଲଣ୍ଡ ଦଳ ମଧ୍ୟ ଜିତିପାରେ ବୋଲି କୁହାଯାଉଥିଲା। କିନ୍ତୁ ଖେଳର ପଞ୍ଚମ ଦିନରେ ଭାରତ ଏକ ଲାଇନ ଲେନ୍ଥ୍ରେ ବୋଲିଂ କରିଥିଲା।
