ଆଇପିଏଲ୍ ୨୦୨୦ ଶେଷ ହେବା ପରେ ଅନେକ କ୍ରିକେଟ ବିଶେଷଜ୍ଞ ଏହି ସିଜିନର ହିରୋ ଏବଂ ଶୂନ ଖେଳାଳିଙ୍କ ଉପରେ ନିଜର ମତ ରଖିଛନ୍ତି। ପୂର୍ବତନ ଭାରତୀୟ କ୍ରିକେଟର ବୀରେନ୍ଦ୍ର ସେହ୍ବାଗ ମଧ୍ୟ ଏକ ଭିଡିଓ ମାଧ୍ୟମରେ ଆଇପିଏଲ ୨୦୨୦ ଫ୍ଲପ ଖେଳାଳିଙ୍କ ବିଷୟରେ ନିଜର ମତ ପ୍ରକାଶ କରିଛନ୍ତି। ସେ କିଙ୍ଗ୍ସ ଏକାଦଶ ପଞ୍ଜାବର ଗ୍ଲେନ ମ୍ୟାକ୍ସୱେଲଙ୍କୁ ୧୦ କୋଟି ଟଙ୍କାର ଚିୟରଲିଡର୍ କହିଛନ୍ତି। ଫେସବୁକରେ ଏକ ଭିଡିଓରେ ଶେୟାର କରି ସେହ୍ବାଗ କହିଛନ୍ତି, ୧୦ କୋଟି ଟଙ୍କାର ଚିୟରଲିଡର୍ ପଞ୍ଜାବକୁ ଭାରି ପଡିଛି। ଗତ କିଛି ସିଜିନରେ, ମ୍ୟାକ୍ସୱେଲଙ୍କ ଖରାପ ଫର୍ମ ଜାରି ରହିଛି। କିନ୍ତୁ ଚଳିତ ସିଜିନରେ ଗ୍ଲେନ ମ୍ୟାକ୍ସୱେଲ ବହୁତ ଖରାପ ପ୍ରଦର୍ଶନ କରିଥିଲେ। ସେ ୧୩ ଟି ମ୍ୟାଚରେ ହାରାହାରି ୧୫.୪୨ରେ ମାତ୍ର ୧୦୮ ରନ ସଂଗ୍ରହ କରିଥିଲେ। ସେ ପୂରା ସିଜନରେ ଗୋଟିଏ ଛକା ମାରି ପାରି ନଥିଲେ।
