ନୂଆଦିଲ୍ଲୀ,୧୨।୧୨: ରୋନାଲ୍ଡୋଙ୍କ ଦଳ ପର୍ତ୍ତୁଗାଲ ଫିଫା ବିଶ୍ୱକପ ୨୦୨୨ ବାଦ୍ ପଡିଛି। ଏହା ସହିତ ରୋନାଲ୍ଡୋଙ୍କର ବିଶ୍ୱ ଚାମ୍ପିୟନ ହେବାର ସ୍ବପ୍ନ ପୁଣି ଥରେ ଭାଙ୍ଗି ଯାଇଛି। ପର୍ତ୍ତୁଗାଲ ପାଇଁ ପାଞ୍ଚଟି ବିଶ୍ୱକପ ଜିତିଥିବା ରୋନାଲ୍ଡୋ ଏପର୍ଯ୍ୟନ୍ତ ଦେଶ ପାଇଁ ଫିଫା ବିଶ୍ୱକପ ଟ୍ରଫି ଜିତି ନାହାଁନ୍ତି ଏବଂ ବର୍ତ୍ତମାନ ତାଙ୍କର ସ୍ବପ୍ନ ଅଧୁରା ରହିଯାଇଛି। ୩୭ ବର୍ଷୀୟ ରୋନାଲ୍ଡୋଙ୍କ ପାଇଁ ବର୍ତ୍ତମାନ ପରବର୍ତ୍ତୀ ବିଶ୍ୱକପ ଖେଳିବା ଅତ୍ୟନ୍ତ କଷ୍ଟକର ହେବ। ପର୍ତ୍ତୁଗାଲ ବିଶ୍ୱକପରୁ ବାଦ୍ ପଡିବା ପରେ ରୋନାଲ୍ଡୋ ଏକ ପୋଷ୍ଟ କରି କହିଛନ୍ତି, ସେ ଦେଶ ପାଇଁ ସର୍ବଦା ସଂଗ୍ରାମ କରିଛନ୍ତି ଏବଂ ଭବିଷ୍ୟତରେ ତାଙ୍କର ମନୋଭାବ ମଧ୍ୟ ସମାନ ରହିବ। ଭାରତୀୟ କ୍ରିକେଟର୍ ବିରାଟ କୋହଲି ତାଙ୍କୁ ଆଶ୍ୱାସନା ଦେଇ ଲେଖିଛନ୍ତି, ରୋନାଲ୍ଡୋ ସମସ୍ତ କ୍ରୀଡ଼ାବିତ୍ଙ୍କ ପାଇଁ ଏକ ପ୍ରେରଣା ଏବଂ କୌଣସି ଟ୍ରଫି ଖେଳ ପ୍ରତି ତାଙ୍କର ଅବଦାନକୁ ହ୍ରାସ କରିପାରିବ ନାହିଁ। ସେ ଇଶ୍ବରଙ୍କ ଏକ ଉପହାର। ଜଣେ ବ୍ୟକ୍ତି ଯିଏ ସର୍ବଦା କଠିନ ପରିଶ୍ରମ କରି ନିଜକୁ ଦେଶ ପାଇଁ ଉତ୍ସର୍ଗୀକୃତ କରେ, ସେ ଭଗବାନଙ୍କ ଆଶୀର୍ବାଦ ଅଟେ। ତୁମେ ମୋ ପାଇଁ ସବୁବେଳେ ସର୍ବଶ୍ରେଷ୍ଠ।
ଫିଫା ବିଶ୍ୱକପ ୨୦୨୨ର କ୍ୱାର୍ଟର ଫାଇନାଲ ମ୍ୟାଚରେ ପର୍ତ୍ତୁଗାଲକୁ ମୋରୋକୋ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଛନ୍ତି। ଏହା ସହ ଦଳ ବିଶ୍ୱକପରୁ ବାଦ ପଡିଥିଲା। ପର୍ତ୍ତୁଗାଲର ବିଶ୍ୱକପରୁ ବାଦ୍ ପଡିବା ପରେ ରୋନାଲ୍ଡୋ କାନ୍ଦି କାନ୍ଦି ପଡିଆକୁ ବିଦାୟ ନେଇଥିଲେ।
