ନୂଆଦିଲ୍ଲୀ,୬।୩: ଅହମ୍ମଦାବାଦରେ ଖେଳାଯାଇଥିବା ଅନ୍ତିମ ଟେଷ୍ଟରେ ଚମକିଛି ଭାରତୀୟ ଟିମ୍। ଦଳ ଇଂଲଣ୍ଡକୁ ଗୋଟିଏ ପାଳି ଏବଂ ୨୫ ରନ୍ ବ୍ୟବଧାନରେ ପରାଜିତ କରି ୩-୧ରେ ସିରିଜ ବିଜେତା ହୋଇଛି। ଏଥିସହ ଅଧିନାୟକ ବିରାଟ କୋହଲି ନିଜ ନାମରେ ଏକ ରେକର୍ଡ କରିଛନ୍ତି। ସେ ମହାନ ସ୍ବଦେଶରେ ଷ୍ଟିଭ୍ ଓ୍ବଙ୍କୁ ଟପିଛନ୍ତି।
ଟସ୍ ଜିତି ପ୍ରଥମେ ବ୍ୟାଟିଂ କରିଥିଲେ ଇଂଲଣ୍ଡ ଟିମ୍। ପ୍ରଥମ ପାଳିରେ ଦଳ ୨୦୫ରନ୍ କରି ଅଲ୍ଆଉଟ୍ ହୋଇଥିଲା। ଏହାର ଜବାବରେ ଭାରତୀୟ ଟିମ୍ ୩୬୫ରନ୍ କରିଥିଲେ। ପ୍ରଥମ ପାଳି ଆଧାରରେ ୧୬୦ରନ୍ରେ ଆଗୁଆ ଥିବା ଭାରତୀୟ ଟିମ୍ ପରେ ଇଂଲଣ୍ଡକୁ ଦ୍ୱିତୀୟ ପାଳିରେ ୧୩୫ରନ୍ରେ ଅଲ୍ଆଉଟ୍ କରିନେଇଥିଲା। ଫଳରେ ଭାରତ ସହଜ ବିଜୟ ହାସଲ କରିଥିଲା। ଏହି ବିଜୟ ସହ ବିରାଟ ସ୍ବଦେଶରେ ସବୁଠାରୁ ଅଧିକ ମ୍ୟାଚ୍ ଜିତିବା ଅଧିନାୟକ କ୍ଷେତ୍ରରେ ଓ୍ବଙ୍କୁ ପଛରେ ଛାଡ଼ିଛନ୍ତି। ଏଯାବତ ବିରାଟଙ୍କ ନେତୃତ୍ୱରେ ଦଳ ୨୩ ଟେଷ୍ଟ ମ୍ୟାଚ୍ ଜିତିଛି। ସେହିଭଳି ଓ୍ବ ଅଷ୍ଟ୍ରେଲିଆରେ ୨୨ଟି ଟେଷ୍ଟରେ ବିଜେତା ହୋଇଥିଲେ।
