ଅହମ୍ମଦାବାଦ,୨୬।୨: ଭାରତୀୟ ବୋଲର୍ ରବିଚନ୍ଦ୍ରନ ଅଶ୍ୱିନଙ୍କ ପାଇଁ ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ବେଶ୍ ସ୍ବତନ୍ତ୍ର ଥିଲା। କାରଣ ମ୍ୟାଚ୍ରେ ସେ ୪୦୦ ଉଇକେଟ ନେଇ ରେକର୍ଡ କରିଛନ୍ତି। ଏପରି କରିବାରେ ସେ ବିଶ୍ୱର ୬ଷ୍ଠ ସ୍ପିନର ପାଲଟିଛନ୍ତି।
ଦିବାରାତ୍ର ମ୍ୟାଚ୍ର ଦ୍ୱିତୀୟ ଦିନରେ ଜୋଫ୍ରା ଆର୍ଚରଙ୍କ ଉଇକେଟ ନେବାପରେ ସେ ୪୦୦ କ୍ଲବରେ ସାମିଲ ହୋଇଥିଲେ। ତେବେ ମ୍ୟାଚ୍ରେ ମୋଟ ୭ ଉଇକେଟ ନେଇଥିଲେ ଅଶ୍ୱିନ। ଏହାକୁ ମିଶାଇ ତାଙ୍କର ମୋଟ ଉଇକେଟ ସଂଖ୍ୟା ୪୦୧କୁ ବୃଦ୍ଧି ପାଇଛି।
ଅଶ୍ୱିନଙ୍କ ଉପଲବ୍ଧି ପରେ ଅଧିନାୟକ ବିରାଟ କୋହଲି ପ୍ରଶଂସା କରି କହିଛନ୍ତି, ଆଶା କରୁଛି ଆମକୁ ଛିଡ଼ା ହୋଇ ଗର୍ବ କରିବା ଉଚିତ। ବୋଲର୍ ଭାବେ ସେ ବହୁତ ବଡ଼ ଯୋଗଦାନ ଦେଇଛନ୍ତି। ଟେଷ୍ଟରେ ଅଶ୍ୱିନ ଆଧୁନିକ ଯୁଗର ଜଣେ କିମ୍ବଦନ୍ତୀ। ଏବେ ମୁଁ ତାଙ୍କୁ ଏହି ନାମରେ ଡାକିବି ବୋଲି କହିସାରିଛି।
ଅପରପକ୍ଷେ ଅଶ୍ୱିନ ନିଜର ଏହି ସଫଳତାର ସହ ଆତ୍ମବିଶ୍ୱାସକୁ ଦେଇଛନ୍ତି। ଜାଡେଜା ଆହତ ହେବା କାରଣରୁ ସୁଯୋଗ ମିଳିଥିଲା। ଏବେ କେବଳ ନିଜ ଉପରେ ବିଶ୍ୱାସ ଯୋଗୁ ଏଭଳି ହୋଇପାରିଛି ବୋଲି ଲାଗୁଥିବା ସେ କହିଛନ୍ତି।
