ନୂଆଦିଲ୍ଲୀ, ୨୫।୧: ଆଇସିସି ଟାଇଟଲ ଜିତିବା କ୍ଷେତ୍ରରେ ବିରାଟ କୋହଲି ଶୀର୍ଷ ସ୍ଥାନରେ ଅଛନ୍ତି। କୋହଲି ହେଉଛନ୍ତି ଏଭଳି ଖେଳାଳି ଯିଏକି ଏ ପର୍ଯ୍ୟନ୍ତ ସର୍ବାଧିକ ବ୍ୟକ୍ତିଗତ ଆଇସିସି ଟାଇଟଲ ଜିତିଛନ୍ତି। କୋହଲିଙ୍କୁ ୨୦୨୩ ପାଇଁ ଆଇସିସି ଦିନିକିଆ କ୍ରିକେଟର ଅଫ ଦ ଇୟର ପୁରସ୍କାର ପ୍ରଦାନ କରାଯାଇଛି। ଏହି ଟାଇଟଲ ସହିତ କୋହଲିଙ୍କ ନାମରେ ମୋଟ ୧୦ଟି ବ୍ୟକ୍ତିଗତ ଆଇସିସି ପୁରସ୍କାର ରହିଛି।
ଆଇସିସି ଟାଇଟଲ ଜିତିବା ପରିପ୍ରେକ୍ଷୀରେ ଶ୍ରୀଲଙ୍କାର ପୂର୍ବତନ ଉଇକେଟ୍ କିପର ବ୍ୟାଟର୍ କୁମାର ସଙ୍ଗକାରା ଏବଂ ପୂର୍ବତନ ଭାରତୀୟ ଅଧିନାୟକ ଏମ.ଏସ୍ ଧୋନି ମିଳିତ ଭାବେ ଦ୍ୱିତୀୟ ସ୍ଥାନରେ ଅଛନ୍ତି। ଉଭୟ ଖେଳାଳି ନିଜ ନିଜ କ୍ୟାରିଅରରେ ୪ଟି ବ୍ୟକ୍ତିଗତ ଆଇସିସି ଟାଇଟଲ ଜିତିଛନ୍ତି। ହେଲେ କୋହଲି ୧୦ଟି ବ୍ୟକ୍ତିଗତ ଆଇସିସି ଟାଇଟଲ ଜିତିଛନ୍ତି, ଅର୍ଥାତ୍ ଆଇସିସି ପୁରସ୍କାର ଜିତିବା କ୍ଷେତ୍ରରେ କୌଣସି ଖେଳାଳି କୋହଲିଙ୍କ ନିକଟତର ନୁହଁନ୍ତି।
କୋହଲି ପ୍ରଥମ ଥର ପାଇଁ ନୁହେଁ ବରଂ ଚତୁର୍ଥ ଥର ପାଇଁ ଆଇସିସି ଦିନିକିଆ କ୍ରିକେଟ ଅଫ ଦ ଇୟର ଜିତିଛନ୍ତି। ସେ ପ୍ରଥମେ ଏହି ଟାଇଟଲ ୨୦୧୨ରେ ଜିତିଥିଲେ, ଯେତେବେଳେ ତାଙ୍କୁ ମାତ୍ର ୨୪ ବର୍ଷ ହୋଇଥିଲା। ବର୍ତ୍ତମାନ ସେ ୩୫ ବର୍ଷ ବୟସରେ ଚତୁର୍ଥ ଥର ପାଇଁ ଏହି ପୁରସ୍କାର ଜିତିଛନ୍ତି। ଏହି ସମୟରେ କୋହଲି ୨୦୧୭ ଏବଂ ୨୦୧୮ ରେ ଆଇସିସି ଦିନିକିଆ ଆଇସିସି ଦିନିକିଆ କ୍ରିକେଟ ଅଫ ଦ ଇୟର ମଧ୍ୟ ଜିତିଛନ୍ତି।
