ନୂଆଦିଲ୍ଲୀ,୪।୬: ବିରାଟ କୋହଲିଙ୍କ ସ୍ବପ୍ନ ଶେଷରେ ସତ ହେଲା। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ସ୍ଲୋଗାନ – ଏ ସାଲା କପ ନାମ ଦେ ଶେଷରେ ସଫଳ ହୋଇଥିଲା। RCB ପ୍ରଥମ ଥର ପାଇଁ IPL ଚାମ୍ପିଅନ ହେଲା। ୧୮ ବର୍ଷର କଠିନ ପରିଶ୍ରମ ଫଳ ପାଇଲା ଏବଂ କୋହଲି ଏବେ ଟ୍ରଫି ଉଠାଇଥିବା ଦଳରେ ସାମିଲ ହେଲେ।
ଶେଷ ଓଭରରେ ପଞ୍ଜାବ କିଙ୍ଗସକୁ ଜିତିବା ପାଇଁ ୨୯ ରନ ଆବଶ୍ୟକ ଥିଲା। ଜୋଶ ହାଜେଲଉଡ ଦ୍ୱିତୀୟ ଡଟ ବଲ ପକାଇବା ମାତ୍ରେ RCBର ବିଜୟ ନିଶ୍ଚିତ ହୋଇଗଲା। ତା’ପରେ କ୍ୟାମେରାମ୍ୟାନ ବିରାଟ କୋହଲିଙ୍କ ଉପରେ ଧ୍ୟାନ କେନ୍ଦ୍ରିତ କଲେ, ଯିଏ କାନ୍ଦୁଥିବାର ଦେଖାଗଲେ। ତା’ପରେ ପଡ଼ିଆରେ RCB…RCBର ସ୍ଲୋଗାନ ଆରମ୍ଭ ହୋଇଗଲା। କୋହ
କ୍ୟାମେରାମ୍ୟାନ ପୁଣି ଶେଷ ପର୍ଯ୍ୟନ୍ତ କୋହଲିଙ୍କ ଉପରେ ଧ୍ୟାନ ରଖିଥିଲେ। RCBର ବିଜୟ ନିଶ୍ଚିତ ହେବାପରେ କୋହଲି ପଡ଼ିଆରେ ମୁହଁ ଲୁଚାଇ କାନ୍ଦିବାକୁ ଲାଗିଲେ। ତା’ପରେ ସାଥୀ ଖେଳାଳିମାନେ ଆସି ତାଙ୍କୁ ଉଠାଇଥିଲେ। କୋହଲିଙ୍କ ବିଜୟ ଉପରେ ତାଙ୍କ ବିଶେଷ ବନ୍ଧୁ ଏବି ଡିଭିଲିୟର୍ସଙ୍କ ଭାବନା ମଧ୍ୟ ଦେଖିବା ଯୋଗ୍ୟ ଥିଲା। ବିରାଟଙ୍କ ସ୍ତ୍ରୀ ଅନୁଷ୍କା ଶର୍ମା ଷ୍ଟାଣ୍ଡରେ ଉତ୍ସାହର ସହିତ ଆରସିବିର ବିଜୟ ପାଳନ କରୁଥିବାର ଦେଖାଯାଇଥିଲା।
ବିଜୟ ପରେ କୋହଲି କହିଥିଲେ, ଏହି ବିଜୟ ଦଳର ଏବଂ ପ୍ରଶଂସକମାନଙ୍କର। ଦୀର୍ଘ ୧୮ ବର୍ଷ ପରେ ଟାଇଟଲ ଜିତିଲି। ମୁଁ ମୋର ଶ୍ରେଷ୍ଠତା ଏବଂ ଅଭିଜ୍ଞତା ଏହି ଦଳକୁ ଦେଇଥିଲି। ମୁଁ ପ୍ରତ୍ୟେକ ସିଜନରେ ଜିତିବାକୁ ଚେଷ୍ଟା କରିଥିଲି ଏବଂ ମୋର ସର୍ବସ୍ବ ଦେଇଥିଲି। ଶେଷରେ ଟାଇଟଲ ଜିତିବାର ଅନୁଭବ ଅବିଶ୍ୱସନୀୟ। କେବେ ଭାବି ନଥିଲି ଯେ ଏପରି ଦିନ ଆସିବ। ଶେଷ ବଲ ପରେ ମୁଁ ଭାବପ୍ରବଣ ହୋଇଗଲି। ମୋର ସମସ୍ତ ଶକ୍ତି ଦେଇଥିଲି ଏବଂ ଏହି ବିଜୟ ଏକ ମହାନ ଅନୁଭବ।
ଆଇପିଏଲ ୨୦୨୫ ଫାଇନାଲ୍ରେ ପଞ୍ଜାବ କିଙ୍ଗ୍ସ ଟସ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଥିଲା। ଆରସିବି ନିର୍ଦ୍ଧାରିତ ୨୦ ଓଭରରେ ୯ ଉଇକେଟ ହରାଇ ୧୯୦ ରନ କରିଥିଲା। ଜବାବରେ ପଞ୍ଜାବ କିଙ୍ଗସ ଦଳ ୨୦ ଓଭରରେ ୭ ଉଇକେଟ ହରାଇ ୧୮୪ ରନ କରିପାରିଥିଲା। ଆରସିବି ୬ ରନରେ ମ୍ୟାଚ ଜିତି ପ୍ରଥମ ଥର ପାଇଁ ଆଇପିଏଲ ଟାଇଟଲ ଜିତିଥିଲା।
