ସୋସିଆଲ ମିଡିଆରେ ଅନେକ ପ୍ରକାରର ଭିଡିଓ ଭାଇରାଲ ହୋଇଥାଏ। ସେଥିରୁ କିଛି ହସର ଖୋରାକ ଯୋଗାଉଥିବା ବେଳେ କିଛି ଆଶ୍ଚର୍ଯ୍ୟ କରେ। ସେଭଳି ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି। ଭିଡିଓରେ ଜଣେ ଯୁବତୀ ଟ୍ରାଫିକ୍ ପୋଲିସ କର୍ମଚାରୀଙ୍କୁ ସର୍ବସମ୍ମୁଖରେ ଚୁମ୍ବନ ଦେଉଥିବା ନଜର ଆସୁଛି।
ଘଟଣାଟି କେଉଁଠାର ତାହା ସ୍ପଷ୍ଟ ହୋଇ ନ ଥିଲେ ହେଁ କୌଣସି ଏକ ମାମଲାରେ ଯୁବତୀଙ୍କୁ ପୋଲିସ ଧରିଛି। ସେ ମୁକୁଳିବା ନିମନ୍ତେ ନାନାଦି ଫନ୍ଦିଫିକର କରୁଛନ୍ତି। ଏପରିକି ପୋଲିସକୁ ଲାଞ୍ଚ ଦେବାକୁ ମଧ୍ୟ ଆଗକୁ ଆସୁଛନ୍ତି। ହେଲେ ଲାଭ ମିଳୁନାହିଁ। ଶେଷରେ ଅନ୍ୟୋପାୟ ନ ପାଇ ମହିଳାଜଣଙ୍କ ପୋଲିସ କର୍ମଚାରୀଙ୍କୁ ମଝି ରାସ୍ତାରେ ଜୋର ଜବରଦସ୍ତ ଚୁମ୍ବନ ଦେଉଛନ୍ତି। ଏହାଦେଖି ସେଠାରେ ଉପସ୍ଥିତ ଅନ୍ୟଲୋକେ ଚକିତ ହୋଇଯାଉଛନ୍ତି।
ଭିଡିଓଟିକୁ ଇନ୍ଷ୍ଟାଗ୍ରାମରେ ‘ghantaa’ ନାମକ ଆକାଉଣ୍ଟରୁ ଶେୟାର କରାଯାଇଛି। ଇତିମଧ୍ୟରେ ଭିଡିଓକୁ ଲକ୍ଷାଧିକ ଲୋକ ଦେଖିସାରିଲେଣି। ଏହାଛଡ଼ା ଅନେକ କମେଣ୍ଟ ମଧ୍ୟ କରୁଛନ୍ତି। କେହି କେହି ଯୁବତୀଙ୍କ ଏପରି ବ୍ୟବହାରକୁ ନାପସନ୍ଦ କରିଥିବା ବେଳେ କେହି ଟ୍ରାଫିକ୍ ପୋଲିସ ହେବାକୁ ଇଚ୍ଛା ପ୍ରକାଶ କରିଛନ୍ତି।
