ମୁମ୍ବାଇ,୩୦।୪: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ପଡ଼ିଆରେ ଆକ୍ରମଣାତ୍ମକ ଆଭିମୁଖ୍ୟ ପାଇଁ ଜଣାଶୁଣା। କୋହଲି ଏବଂ ତାଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମାଙ୍କ ଯୋଡିକୁ ଦର୍ଶକ ବେଶ୍ ପସନ୍ଦ କରନ୍ତି। ଉଭୟଙ୍କ ପ୍ରେମ କାହାଣୀ ବିଷୟରେ ଜାଣିବାକୁ ପ୍ରଶଂସକ ବେଶ୍ ଆଗ୍ରହୀ ଥାଆନ୍ତି। ପଡିଆରେ ବିରାଟଙ୍କୁ ଅନେକ ଛକା ଓ ଚୌକା ମାରିଥିବା ଦେଖିଥିବେ, କିନ୍ତୁ ଆପଣ ଜାଣନ୍ତି କି ବିରାଟଙ୍କର ମଧ୍ୟରେ ଏକ ଲୁକ୍କାୟିତ ପ୍ରତିଭା ଅଛି, ଯାହା ସେ ଅନୁଷ୍କାଙ୍କ ଆଗରେ ଦେଖାଇଛନ୍ତି। ବିରାଟ କୋହଲି କେବଳ ରୋମାଣ୍ଟିକ ନୁହଁନ୍ତି ସେ ଅନୁଷ୍କା ଶର୍ମାଙ୍କ ପାଇଁ ଗୀତ ମଧ୍ୟ ଗାଉଛନ୍ତି। ଆଜିକାଲି ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ବିବାହର ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ବିରାଟ ଅନୁଷ୍କାଙ୍କ ପାଇଁ ‘ମେରେ ମେହବୁବ କୟାମତ ହୋଗି’ ଗୀତ ଗାଉଛନ୍ତି। ଏହି ଥ୍ରୋବ୍ୟାକ ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି, ଯାହାକୁ ପ୍ରଶଂସକମାନେ ପସନ୍ଦ କରୁଛନ୍ତି। ଏହି ଭିଡିଓ ଏକ ବିବାହ ଭୋଜିରେ ଅଛି, ଯେଉଁଥିରେ ବିରାଟ କୋହଲି ଅନୁଷ୍କାଙ୍କ ପାଇଁ ଗୀତ ଗାଇଥିଲେ। ଭିଡିଓରେ ଅନୁଷ୍କା ମଧ୍ୟ ଭାବପ୍ରବଣ ଦେଖାଯାଉଛନ୍ତି। ବିରାଟ ତାଙ୍କ ଗୀତ ସମାପ୍ତ କରିବା ମାତ୍ରେ ପାର୍ଟିରେ କରତାଳି ଶୁଣିବାକୁ ଲାଗିଲା। ବିରୁଷ୍କା ୨୦୧୭ ଇଟାଲୀରେ ବିବାହ କରିଥିଲେ।
