ସିଙ୍ଗଡ଼ା ଭିତରେ ଥିବା ମଲା ଝିଟିପିଟିକୁ ଖାଇଲେ ଯୁବକ , ରାସ୍ତାରେ ବାନ୍ତି…

ସିଙ୍ଗଡା ଲୋକଙ୍କ ପ୍ରିୟ ସ୍ନାକ୍ସ ମଧ୍ୟରୁ ଅନ୍ୟତମ । ଏହା ଖାଇବାକୁ ପ୍ରାୟ ସମସ୍ତଙ୍କୁ ଭଲଲାଗେ। ମାତ୍ର ହାପୁରର ଏକ ଭିଡିଓ ଦେଖିବା ପରେ, ଏହାକୁ ଖାଇବାକୁ ଦୁଇଥର ଚିନ୍ତା କରିବେ। ଜଣେ ବ୍ୟକ୍ତି ଦୋକାନରୁ ସିଙ୍ଗଡ଼ା କିଣି ଖାଇବା ପରେ ତାଙ୍କୁ ଅଜବ ଲାଗିବାରୁ ସେ ସିଙ୍ଗଡାକୁ ଦେଖିଲେ। ପରେ ସେ ଯାହା ଦେଖିଲେ ତାଙ୍କ ପାଦ ତଳୁ ମାଟି ଖସିଗଲା। ସେ ଦେଖିଲେ ଏକ ମୃତ ଝିଟିପିଟି ଆଳୁ ସହ ସିଙ୍ଗଡ଼ା ଭିତରେ ଅଛି।
ଭାଇରାଲ ଭିଡିଓ (@ princysahujst7) ନାମକ ଏକ (ଏକ୍ସ) ଆକାଉଣ୍ଟରେ ଶେୟାର କରାଯାଇଛି । ଯାହାର କ୍ୟାପଶନରେ ଲେଖାଅଛି ହାପୁରରେ ସିଙ୍ଗଡା ଖାଇବାବେଳେ ଆଳୁ ସ୍ଥାନରେ ଝିଟିପିଟି ଦେଖି ବ୍ୟକ୍ତିଙ୍କ ହୋସ ଉଡିଗଲା। ୪୦ ସେକେଣ୍ଡ କ୍ଲିପ୍‌ରେ, ଆପଣ ଉକ୍ତ ବ୍ୟକ୍ତିଙ୍କୁ ଅଶାନ୍ତ ଭାବରେ ରାସ୍ତାରେ ବାନ୍ତି କରୁଥିବା ଦେଖିବାକୁ ମିଳୁଛି। ବାରମ୍ବାର ପାଣି ପିଉଛନ୍ତି। ତାଙ୍କ ସହିତ ଅନ୍ୟ କିଛି ଲୋକ ଅଛନ୍ତି, ଯେଉଁମାନେ ଭିଡିଓ ରେକର୍ଡ କରୁଛନ୍ତି ।