ଉଦଳା,୧୬ା୭(ସନ୍ତୋଷ କୁମାର ବାଛିନି): ଲଗାଣ ବର୍ଷା ଯୋଗୁ ବେହାଲ ହୋଇପଡିଛି ଉଦଳା। ଏପରି କି କପ୍ତିପଦା ଉପଖଣ୍ଡ ଉଦଳା, କପ୍ତିପଦା ଏବଂ ଗୋପବନ୍ଧୁନଗର ବ୍ଲକ ଅଞ୍ଚଳରେ ମଧ୍ୟ ସଙ୍ଗୀନ ପରିସ୍ଥିତି ଦେଖାଦେଇଛି।
କପ୍ତିପଦା ବ୍ଲକ ବନ୍ଧମାଳ ଗାଁ ଏବେ ସମ୍ପୂର୍ଣ୍ଣ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଇଛି। ଗ୍ରାମରେ ୪୦ରୁ ଅଧିକ ପରିବାର ରହୁଥିବା ବେଳେ ଗ୍ରାମ ଏବେ ପାଣି ଘେରରେ ରହିଛି। ଫଳରେ ଗ୍ରାମବାସୀ କୁଆଡେ ଯାଇପାରୁ ନ ଥିବା ବେଳେ ଜଳବନ୍ଦୀ ଅବସ୍ଥାରେ ରହିଛନ୍ତି। ହେଲେ କୌଣସି ପ୍ରଶାସନିକ ଅଧିକାରୀ ଗାଁରେ ପହଞ୍ଚି ନ ଥିବା ଗ୍ରାମବାସୀ ପ୍ରକାଶ କରିଛନ୍ତି।