ଅଭିନେତା କମଲ ହାସନଙ୍କ ଫିଲ୍ମ ‘ବିକ୍ରମ’ ବକ୍ସ ଅଫିସରେ ସାବ୍ୟସ୍ତ ହୋଇଛି। ଏହି ଫିଲ୍ମ ୧୦୦ କୋଟି କ୍ଲବରେ ପ୍ରବେଶ କରିଛି। କମଲ ହାସନଙ୍କ ଫିଲ୍ମ ସହିତ ଅକ୍ଷୟ କୁମାରଙ୍କ ‘ସମ୍ରାଟ ପୃ୍ଥ୍ବୀରାଜ’ ଜୁନ୍ ୩ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। କିନ୍ତୁ ‘ସମ୍ରାଟ ପୃ୍ଥ୍ବୀରାଜ’କୁ ଆଶାନୁରୂପ ସଫଳତା ମିଳି ନ ଥିବାବେଳେ ‘ବିକ୍ରମ’କୁ ଦର୍ଶକ ପସନ୍ଦ କରିଛନ୍ତି। ଏହି ଫିଲ୍ମକୁ କେବଳ ଦେଶରେ ନୁହେଁ, ସାରା ବିଶ୍ୱରେ ମଧ୍ୟ ଭଲ ପ୍ରତିକ୍ରିୟା ପାଇଛି। ଫିଲ୍ମଟି ସାରା ବିଶ୍ୱରେ ଏପର୍ଯ୍ୟନ୍ତ ୧୫୦ କୋଟି ଆୟ କରିଛି।
ଲୋକେଶ କାନାଗରାଜଙ୍କ ନିର୍ଦ୍ଦେଶିତ ‘ବିକ୍ରମ’ରେ କମଲ ହାସନଙ୍କ ଜବରଦସ୍ତ ଆକ୍ସନ ଦେଖିବାକୁ ମିଳିଛି। ବିଜୟ ସେଥୁପଥି ଏବଂ ଫହାଦ ଫାସିଲ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
ତେଲୁଗୁ, ତାମିଲ, ହିନ୍ଦୀ ଏବଂ ମାଲାୟାଲମ ଭାଷାରେ ‘ବିକ୍ରମ’ ରିଲିଜ ହୋଇଛି। ଚଳଚ୍ଚିତ୍ରର ହିନ୍ଦୀ ଭର୍ସନ ସେତେଟା ଭଲ ହୋଇନାହିଁ। ‘ବିକ୍ରମ’ର ହିନ୍ଦୀ ଭର୍ସନ ୩ ଦିନରେ ମାତ୍ର ୨ କୋଟି ଆୟ କରିବାରେ ସକ୍ଷମ ହୋଇଛି।
