ମୁମ୍ବାଇ: ବଲିଉଡ ଅଭିନେତା ବିଦ୍ୟୁତ ଜାମୱାଲ ତାଙ୍କ ଅଭିନୟ ଏବଂ ଷ୍ଟଣ୍ଟ ପାଇଁ ଖୁବ ଲୋକପ୍ରିୟ। ଗତ ରବିବାର ତାଙ୍କର ଜନ୍ମ ଦିନ ଯାଇଥିଲା ବେଳେ ସେ ଏହାକୁ ଏକାକୀ ଜଙ୍ଗଲରେ ପାଳନ କରିଛନ୍ତି। ଦୈନଦିନ ଜୀବନର ଅଏସ ଆରାମ ଛାଡି ସେ ଜଙ୍ଗଲରେ ଗୋଟିଏ ସପ୍ତାହ ବିତାଇଛନ୍ତି। ବିଦ୍ୟୁତ ସୋସିଆଲ ମିଡିଆରେ ଏହି ସମୟର ଫଟୋ ସେୟାର କରିଛନ୍ତି ଯେଉଁଠାରେ ସେ ପ୍ରକୃତିର କୋଳରେ ବିନା ପୋଷାକରେ ଏହି ସମୟକୁ ଉପଭୋଗ କରୁଥିବା ଦେଖିବାକୁ ମିଳିଛି।
ବିଦ୍ୟୁତ ଏକାଧିକ ଫଟୋ ସେୟାର କରିଥିଲେ ଏବଂ ଜଣେ ସ୍ଥାନୀୟ ମେଷପାଳକ ତାଙ୍କ ଫଟୋ କ୍ଲିକ୍ କରିଥିବା ସେ କହିଥିଲେ। ଗୋଟିଏ ଫଟୋରେ, ସେ ନିଜ ତାଙ୍କର ସୁନ୍ଦର ସ୍ୱାସ୍ଥ୍ୟକୁ ଦେଖାଇ ହାତକୁ ଆକାଶରେ ଉଠାଇ ଏକ ପୋଜ୍ ଦେଇଛନ୍ତି। ସେ ଲେଖିଛନ୍ତି, “ହିମାଳୟ ପରିସରକୁ ମୋର ଏହି ପ୍ରକାର ରିଟ୍ରିଟ ”୧୪ ବର୍ଷ ପୂର୍ବେ ଆରମ୍ଭ ହୋଇଥିଲା। ସମୟ ସହିତ ପ୍ରତିବର୍ଷ ୭-୧୦ ଦିନ ଏହିପରି ବିତାଇବା ମୋ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ହୋଇଗଲା।”
https://twitter.com/VidyutJammwal/status/1733705734364573771
ଅନ୍ୟ ଏକ ଫଟୋରେ ବିଦ୍ୟୁତ କାଠ ଓ ପଥର ବ୍ୟବହାର କରି ଜଙ୍ଗଲରେ ମ୍ୟାଗି ତିଆରି କରୁଥିବା ଦେଖିବାକୁ ମିଳିଥିଲା। ପ୍ରକୃତିର ଏକାକୀତା ବିଷୟରେ ସେ ଲେଖିଛନ୍ତି, “ବିଳାସପୂର୍ଣ୍ଣ ତଥା ଆଦର୍ଶ ଜୀବନରୁ ଜଙ୍ଗଲକୁ ଆସିବା, ମୁଁ ମୋର ଏକାକୀତା ପାଇବାକୁ ଉପଭୋଗ କରେ ଏବଂ“ ମୁଁ କିଏ ନୁହେଁ ”ଜାଣିବାର ମହତ୍ଵକୁ ହୃଦୟଙ୍ଗମ କରେ ଯାହା ଜାଣିବାର ପ୍ରଥମ ପଦକ୍ଷେପ। ଏହା ସହ ପ୍ରକୃତିରୁ ମିଳିଥିବା ଶାନ୍ତ ବାତାବରଣକୁ ମୁଁ ଉପଭୋଗ କରୁଥିବା ସେ କହିଛନ୍ତି।
