ନବୀ ମୁମ୍ବାଇ,୩୧।୧୦: ଅଷ୍ଟ୍ରେଲିଆକୁ ୫ ଉଇକେଟ୍ରେ ହରାଇ ଭାରତ ମହିଳା ବିଶ୍ୱକପ୍ ଫାଇନାଲ୍କୁ ପ୍ରବେଶ କରିଛି। ରବିବାର ଦକ୍ଷିଣ ଆଫ୍ରିକା ସହ ଫାଇନାଲ୍ ଖେଳିବ। ଅଷ୍ଟ୍ରେଲିଆ ବିଦାୟ ନେବାରୁ ନୂଆ ଚାମ୍ପିଅନ୍ ହେବ। ଜେମିମାହ ରଡ୍ରିଗ୍ସ ୧୩୪ ବଲ୍ରେ ଅପରାଜିତ ୧୨୭ ରନ୍ କରି ୧୯୦ ମିନିଟ୍ରୁ ଅଧିକ ବ୍ୟାଟିଂ କରି ମହିଳା ଦିନିକିଆରେ ରେକର୍ଡ ଲକ୍ଷ୍ୟ ହାସଲ କରାଇଲେ। ଅମନଜୋତ କୌର ବିଜୟୀ ରନ୍ ମାରିବା ପରେ ଜେମିମା ଭାବୁକ ହୋଇ କାନ୍ଦିପଡ଼ିଥିଲେ। ସହଯୋଗୀମାନେ ମଧ୍ୟ ଆସି ତାଙ୍କର ସାଥ ଦେଇଥିଲେ। ଅଧିନାୟିକା ହରମନପ୍ରୀତ କୌର ୮୮ ବଲ୍ରେ ୮୯ ରନ୍ କରିଥିଲେ। ସାତଥର ଚାମ୍ପିଅନ୍ ଅଷ୍ଟ୍ରେଲିଆ ବାରମ୍ବାର ଜେମିମାଙ୍କ କ୍ୟାଚ ଛାଡି ମୂଲ୍ୟ ଦେଇଥିଲା।
ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ୫୦ ଓଭର୍ରେ ୩୩୮ ରନ୍ରେ ଅଲ୍ ଆଉଟ୍। ଓପନର ଫୋବି ଲିଚ୍ଫିଲ୍ଡ ୯୩ ବଲ୍ରେ ୧୧୯ ରନ୍ କରିଥିଲେ। ଏଲିସ୍ ପେରି ୮୮ ବଲ୍ରେ ୭୭ ରନ୍ କରି ଦ୍ୱିତୀୟ ଉଇକେଟ୍ରେ ୧୫୫ ରନ୍ ଯୋଡ଼ିଥିଲେ। ଆଶ୍ଲି ଗାର୍ଡନର ୪୫ ବଲ୍ରେ ୬୫ ରନ୍ କରି ଶେଷରେ ଝଡ଼଼ ସୃଷ୍ଟି କରିଥିଲେ। ତେବେ ଭାରତୀୟ ବୋଲରମାନଙ୍କ ପାଇଁ କଷ୍ଟକର ଦିନ ଥିଲା। ଯୁବ ସ୍ପିନର ଶ୍ରୀ ଚରଣୀ ୧୦ ଓଭର୍ରେ ୪୯ ରନ୍ ଦେଇ ୨ ଉଇକେଟ୍ ନେଇ ରନ୍ ରୋକିଥିଲେ। ଦୀପ୍ତି ଶର୍ମା ୨/୭୩ ନେଇଥିଲେ। ଅଷ୍ଟ୍ରେଲିଆ ପାଇଁ କିମ୍ ଗାର୍ଥ ୨/୪୬ ଓ ଆନାବେଲ୍ ସାଦରଲ୍ୟାଣ୍ଡ ୨/୬୯ ନେଇଥିଲେ।
