ସିଡନୀ,୫।୧୧ : ଶନିବାର ଦିନ ସିଡନୀରେ ଇଂଲଣ୍ଡ ଏବଂ ଶ୍ରୀଲଙ୍କା ମଧ୍ୟରେ ଟି-୨୦ବିଶ୍ୱକପର ୩୯ ତମ ମ୍ୟାଚ ଖେଳାଯାଉଛି। ଶ୍ରୀଲଙ୍କା ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ସୁପର -୧୨ରେ ଗ୍ରୁପ -୧ ର ଏହା ହେଉଛି ଶେଷ ମ୍ୟାଚ। ଶ୍ରୀଲଙ୍କା ପୂର୍ବରୁ ସେମିଫାଇନାଲ ପାଇଁ ଦୌଡ଼ରୁ ବାହାରି ସାରିଛି। ଆଜି ଯଦି ଇଂଲଣ୍ଡ ଦଳ ଏହି ମ୍ୟାଚ ଜିତେ ତେବେ ସେମିଫାଇନାଲରେ ପ୍ରବେଶ କରିବ। ଅନ୍ୟପକ୍ଷରେ ଯଦି ଇଂଲଣ୍ଡ ହାରିଯାଏ ତେବେ ଟୁର୍ନାମେଣ୍ଟରୁ ବାଦ ପଡିବ।
ଇଂଲଣ୍ଡ ଅଧିନାୟକ ଜୋସ୍ ବଟଲରଙ୍କ ନେତୃତ୍ୱରେ ଦଳ ବୋଲିଂ କରିଥିବାବେଳେ ଶ୍ରୀଲଙ୍କା ଅଧିନାୟକ ଦାସୁନ ଶାନାକାଙ୍କ ନେତୃତ୍ୱରେ ଦଳ ବ୍ୟାଟିଂ କରି ଧାର୍ଯ୍ୟ ୨୦ ଓଭରରେ ୮ ଓ୍ବିକେଟ ହରାଇ ୧୪୧ ରନ୍ ସଂଗ୍ରହ କରିଛି। ଫଳରେ ଇଂଲଣ୍ଡ ପାଇଁ ବିଜୟ ଲକ୍ଷ୍ୟ ୧୪୨ ରନ୍ ରହିଛି।
୪୫ ବଲରୁ ୬୭ ରନ କରି ନିସାଙ୍କା ପାଭିଲିୟନ ଫେରିଥିଲେ। ସେ ଦୁଇଟି ଚୌକା ଓ ପାଞ୍ଚଟି ଛକା ମାରିଥିଲେ।
