ବମ୍ବେ: ବଲିଉଡରେ ୨୦ ବର୍ଷ ପୂରଣ କରିଛନ୍ତି ଅଭିନେତ୍ରୀ କଟ୍ରିନା କୈଫ। ଜଣେ ହିନ୍ଦୀ କହି ପାରୁ ନ ଥିବା ଝିଅରୁ ପୋଖତ କଳାକାର ଭାବେ ତାଙ୍କର ଏହି ଯାତ୍ରା ବେଶ ପ୍ରେରଣାଦାୟୀ। ଏହି ବର୍ଷଗୁଡ଼ିକରେ ସେ ଭେଟି ଦେଇଛନ୍ତି ଗୋଟିଏରୁ ବଳି ଆରେକ ସୁପରହିଟ୍ ଚଳଚ୍ଚିତ୍ର। ଏବେ ଅଭିନେତ୍ରୀ ଭାବେ ସ୍ବତନ୍ତ୍ର ଉପଲବ୍ଧିକୁ ନେଇ ସ୍ବାମୀ ତଥା ଅଭିନେତା ବିକ୍କି କୌଶଲ ଖୁସି ପ୍ରକାଶ କରିଛନ୍ତି। କଟ୍ରିନାଙ୍କୁ ବିବାହ କରିବା ପରେ ତାଙ୍କ ଜୀବନ କେତେ ବଦଳିଯାଇଛି ସେ ତାକୁ ନିକଟରେ ପ୍ରକାଶ କରିଛନ୍ତି।
ଏକ ସାକ୍ଷାତକାରରେ ବିକ୍କି କହିଛନ୍ତି, କଳାକାର ଭାବେ କଟ୍ରିନା ୨୦ ବର୍ଷ ପୂରଣ କରିବା ବେଶ ପ୍ରେରଣାଦାୟୀ। ତାଙ୍କୁ ମୁଁ ଜଣେ ମଣିଷ ଭାବେ ମଧ୍ୟ ଜାଣେ। ଦେଖିବାକୁ ଗଲେ ସେ ଜଣେ ଯୋଦ୍ଧା। ଯେତେବେଳେ କିଛି ବି ତାଙ୍କ ସପକ୍ଷରେ କାମ କରେ ନାହିଁ ସେ ନିଜର ପ୍ରଚେଷ୍ଟା ବଳରେ ସବୁକିଛି ଠିକ୍ କରିବାକୁ ଚେଷ୍ଟା କରିଥାନ୍ତି। ମୁଁ ତାଙ୍କଠାରୁ ବହୁତ କିଛି ଶିଖିଛି। ଆମେ ଦୁହେଁ ବହୁତ ଅଲଗା। ମୁଁ ଶାନ୍ତ ରୁହେ ହେଲେ ସେ ସବୁବେଳେ ଲଢ଼ିବାକୁ ପ୍ରସ୍ତୁତ ଥାନ୍ତି। ଅଭିନେତ୍ରୀ ଭାବେ ସେ ବିଗତ ବର୍ଷଗୁଡ଼ିକରେ ବହୁତ କିଛି ପ୍ରାପ୍ତ କରିଛନ୍ତି ବୋଲି ସେ କହିଛନ୍ତି।
