ମୁମ୍ବାଇ: ବେଶ୍ କିଛି ସମୟ ହେବ ଭିକ୍କି କୌଶଳ ଓ କ୍ୟାଟ୍ରିନା କୈଫଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା ଚାଲିଛି । ଏମାନେ ପରସ୍ପରକୁ ଡେଟ୍ କରୁଥିବା କୁହାଯାଉଥିବା ବେଳେ ଦୁହେଁ କିନ୍ତୁ ଏହାକୁ କେବେ ସ୍ୱୀକାର କରି ନାହାନ୍ତି । ଏମାନଙ୍କୁ ଏକାଠି ବିଭିନ୍ନ ସ୍ଥାନରେ ସ୍ପଟ କରାଯାଇଥିବା ବେଳେ ଉଭୟ ମିଶି ଗୋଟିଏ ଫିଲ୍ମରେ ଅଭିନୟ କରିବା କଥା ମଧ୍ୟ ଆଲୋଚନା ହୋଇଛି । ଏବେ ନିକଟରେ ଭିକ୍କିଙ୍କୁ ସକାଳୁ ସକାଳୁ କ୍ୟାଟଙ୍କ ଘରେ ଦେଖିବାକୁ ମିଳିଛି । ଯାହାର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିକ୍କି ନିକଟରେ ଗ୍ରେ କଲର ସ୍ୱେଟର ସହ ସର୍ଟସ ପିନ୍ଧି କ୍ୟାଟ୍ରିନାଙ୍କ ଫାଟକରେ ପ୍ରବେଶ କରୁଥିବା ଫଟୋ ଦେଖାଯାଇଛି । ଏହାସହ କରୋନା ପାଇଁ ସେ ମାସ୍କ ମଧ୍ୟ ପିନ୍ଧିଛନ୍ତି । ତେବେ ଏହା ପ୍ରଥମ ଥର ନୁହେଁ । ଏହା ପୂର୍ବରୁ ମଧ୍ୟ ଅନେକଥର ଭିକ୍କିଙ୍କୁ କ୍ୟାଟଙ୍କ ଘରେ ଦେଖିବାକୁ ମିଳିଛି । ଲକ୍ଡାଉନ ଖୋଲିବା ପରେ ପ୍ରଥମେ ଭିକ୍କି କ୍ୟାଟ୍ରିନାଙ୍କ ଘରକୁ ଯାଇଥିଲେ । ଆଉ ସେହି ସମୟରେ କିଛି ଫଟୋ ଇଣ୍ଟରନେଟରେ ଭାଇରାଲ ହୋଇଥିଲା । ଏଥର ଭିକ୍କିଙ୍କ ଏହି ଫଟୋ ସେଲିବ୍ରିଟି ଫଟୋଗ୍ରାଫର ମାନବ ମଙ୍ଗଲାନି ତାଙ୍କ ଅଫିସିୟାଲ ଇନଷ୍ଟାଗ୍ରାମରେ ଶେୟାର କରିଥିବା ଦେଖାଯାଇଛି । ଯାହା ଏବେ ଭାଇରାଲ ହେବାରେ ଲାଗିଛି । ଏହା ପୂର୍ବରୁ କ୍ୟାଟ୍ରିନା ଭିକ୍କି କୌଶଲଙ୍କ ମୁଭି ‘ଭୁତ: ଦ ହଣ୍ଟେଡ ଶିପ’ ପାର୍ଟ ୱାନର ସ୍କ୍ରିନିଂରେ ପହଞ୍ଚିଥିଲେ । ତେଣୁ ଉଭୟଙ୍କ ମଧ୍ୟରେ କିଛି ନା କିଛି ସମ୍ପର୍କ ରହିଛି ବୋଲି ଆଲୋଚନା ହେଉଛି ।
