ନୂଆଦିଲ୍ଲୀ,୨୫।୧୨: ଗୋଟିଏ ପଟେ କମ୍ପାନୀ ଋଣ ସୁଝିବାକୁ ନାଗଡ଼ ଯୋଗାଡ଼ କରୁଥିଲା ବେଳେ ରାଜନୈତିକ ଦଳ ମାନଙ୍କୁ ଚାନ୍ଦା ଦେବାକୁ କରିଛି ବେଦାନ୍ତ। ଚଳିତ ବର୍ଷ ନଭେମ୍ବର ମାସରେ ୫ ରାଜ୍ୟରେ ବିଧାନସଭା ନିର୍ବାଚନ ପୂର୍ବରୁ ବେଦାନ୍ତ ଲିମିଟେଡ଼ ବୋର୍ଡ ଅଫ ଡିରେକ୍ଟର ଏକ ପ୍ରସ୍ତାବ ପାର କରି ୨୦୦ କୋଟି ଟଙ୍କାର ଚାନ୍ଦା ଉପରେ ମୋହର ଲଗାଇଛନ୍ତି। ଏହା ସହିତ ଅତିରିକ୍ତ ୫୭ କୋଟି ଦେବାକୁ ମଧ୍ୟ ବୋର୍ଡ ଅନୁମତି ଦେଇଛି। ଯାହା ୨୦୨୨ ଜୁନ ମାସରେ ରାଜନୈତିକ ଦଳକୁ ଦେବାକୁ ଅନୁମତି ଥିଲା କିନ୍ତୁ ଦିଆଯାଇ ପାରି ନ ଥିଲା।
ଇକୋନୋମିକ ଟାଇମ୍ସ ରିପୋର୍ଟ ଅନୁଯାୟୀ, ବେଦାନ୍ତର ବୋର୍ଡ ନଭେମ୍ବର ୫, ୨୦୨୩ ରେ ଏକ ପ୍ରସ୍ତାବ ପାରିତ କରି ରାଜନୈତିକ ଦଳମାନଙ୍କୁ ଦେବାକୁ ଥିବା ଚାନ୍ଦାକୁ ଅନୁମୋଦନ ଦେଇଥିଲା। ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ଦ୍ୱାରା ୨୯ ତମ ପର୍ୟ୍ୟାୟ ନିର୍ବାଚନ ବଣ୍ଡ ପ୍ରଦାନର ଦୁଇ ଦିନ ପୂର୍ବରୁ ଏହି ନିଷ୍ପତ୍ତି ନିଆଯାଇଛି। ଏହି ଚାନ୍ଦା ସିଧାସଳଖ କିମ୍ବା ଇଲେକ୍ଟୋରାଲ ଟ୍ରଷ୍ଟ ଏବଂ ଇଲେକ୍ଟୋରାଲ ବଣ୍ଡରେ ସଦସ୍ୟତା ଆକାରରେ କରାଯାଇପାରିବ।
କେଉଁ ରାଜନୈତିକ ଦଳକୁ କେତେ ଦାନ ଦିଆଯାଇପାରିବ ସେନେଇ ଅଧ୍ୟକ୍ଷ ତଥା ଉପାଧ୍ୟକ୍ଷଙ୍କୁ ଅନୁମତି ଦେଇଛନ୍ତି। ବର୍ତ୍ତମାନ ଅନିଲ ଅଗ୍ରୱାଲ କମ୍ପାନୀର ଚେୟାରମ୍ୟାନ୍ ଏବଂ ନବୀନ ଅଗ୍ରୱାଲ ଉପାଧ୍ୟକ୍ଷ ଭାବରେ କାର୍ୟ୍ୟ କରୁଛନ୍ତି। ରିପୋର୍ଟ ଅନୁଯାୟୀ, ବେଦାନ୍ତ ରାଜନୈତିକ ଦଳମାନଙ୍କୁ ୪୫୭ କୋଟି ଟଙ୍କା ଦାନ କରିଛନ୍ତି, ଯେଉଁଥିରୁ ଚଳିତ ବର୍ଷ ୧୫୫ କୋଟି ଟଙ୍କା ରିଲିଜ କରାଯାଇଛି।
