ଭୁବନେଶ୍ୱର,୧୬।୧୧ (ଅଭୟ ଦାଶ): ଭାରତର ବୃହତ୍ ଆଲୁମିନିୟମ ଉପତ୍ାଦକ ବେଦାନ୍ତ ଆଲୁମିନିୟମ ଲିମିଟେଡ ନିକଟରେ ଆଉ ଏକ ସଫଳତା ହାସଲ କରିଛି। ଏପରିକି କମ୍ପାନୀ ଦେଶର ପ୍ରଥମ ନିମ୍ନ କାର୍ବନଯୁକ୍ତ ସବୁଜ ଆଲୁମିନିୟମ ରେଷ୍ଟୋରାକୁ ତେଲଙ୍ଗାନାଠାରେ ଅବସ୍ଥିତ ଏକ ଅଗ୍ରଣୀ ଆଲୁମିନିୟମ ଏକ୍ସଟ୍ରୁଜନ କମ୍ପାନି ଗ୍ଲୋବାଲ ଆଲୁମିନିୟମ ପିଭି ଲିମିଟେଡକୁ ପଠାଇଛି। ବିଶେଷକରି ଅର୍ଡ଼ରର କିଛି ଅଂଶ (ଏକ ଅଂଶ ଭାବେ)କୁ କମ୍ପାନି ଗ୍ଲୋବାଲ ଆଲୁମିନିୟମକୁ ପଠାଇଥିବାବେଳେ ସମ୍ପୃକ୍ତ କମ୍ପାନୀକୁ ବେଦାନ୍ତ ପ୍ରାୟ ୩୦୦ ମେଟ୍ରିକ ଟନ୍ ରେଷ୍ଟୋରା ବିଲେଟ ଯୋଗାଇବ। ସେହିଭଳି ଏହି ଘରୋଇ ଉପତ୍ାଦନ ପାଇଁ ଚୁକ୍ତି ଏକ ନୂତନ ମାଇଲଖୁଣ୍ଟ ହୋଇଥିବାବେଳେ ଏହାର ମୂଲ୍ୟ ଶୃଙ୍ଖଳାକୁ ଡିକାର୍ବନାଇଜେଶନ କରିବା ଦିଗରେ ବେଦାନ୍ତ ଆଲୁମିନିୟମର ଓଡ଼ିଶା (ଝାରସୁଗୁଡ଼ା) ୟୁନିଟ ମେଗା ସ୍ମେଲଟର ପ୍ଲାଣ୍ଟ ପ୍ରମୁଖ ଭୂମିକା ବହନ କରୁଛି। ଏପରିକି କମ୍ପାନୀ ଭାରତରେ ପ୍ରଥମ ଅଟେ, ଯିଏକି ବିଶ୍ୱରେ ଗ୍ରାହକ ଆଧାରିତ କମ କାର୍ବନଯୁକ୍ତ ଆଲୁମିନିୟମ, ବ୍ରାଣ୍ଡେଡ ରେଷ୍ଟୋରା(ଅଲଟ୍ରା ଲୋ କାର୍ବନ ଆଲୁମିନିୟମ) ପ୍ରଦାନ କରିଥାଏ। ବିଶେଷ କରି ଅକ୍ଷୟ ଶକ୍ତି ବ୍ୟବହାର କରି ଏହି ଉପତ୍ାଦ ଏକ ଟନ୍ ଆଲୁମିନିୟମ ପ୍ରତି ୪ଟନ୍ ସିଓ୨ ସମାନତା ମଧ୍ୟରେ ଗ୍ରୀନ ହାଉସ ଗ୍ୟାସ ନିର୍ଗମନ ତୀବ୍ରତା ସହିତ ଉପତ୍ାଦିତ କରିଥାଏ। ଯାହା ଆଲୁମିନିୟମ ପାଇଁ ଏକ କମ୍ କାର୍ବନଯୁକ୍ତ ଉପତ୍ାଦ ରୂପେ ପ୍ରମାଣିତ ହୋଇଥାଏ। ରେଷ୍ଟୋରା ଅଲଟ୍ରା ଉପତ୍ାଦରେ କମ କାର୍ବନ ରହିଛି, ଯାହା ବିଶ୍ୱରେ ସବୁଠାରୁ କମ୍ ବୋଲି କୁହାଯାଉଛି। ସେହିପରି ଯୋଗାଣ ଚୁକ୍ତିରେ ଗ୍ଲୋବାଲ ଆଲୁମିନିୟମ ନିୟୋଜିତ ରେଷ୍ଟୋରା ବିଲେଟ ବେଦାନ୍ତ ଆଲୁମିନିୟମ ଦ୍ୱାରା ବିଭିନ୍ନ ଏକ୍ସଟ୍ରୁଜନ ପ୍ରୋଫାଇଲରେ ଯୋଗାଇ ଦିଆଯିବ।
ଏ ସମ୍ପର୍କରେ ବେଦାନ୍ତ ଆଲୁମିନିୟମ୍ର ସିଇଓ ଜନ୍ ସ୍ଲାଭେନ୍ କହିଛନ୍ତି, ସ୍ଥାୟୀ ଉପତ୍ାଦ ଉପରେ ପ୍ରତିଯୋଗିତାମୂଳକ ପଦକ୍ଷେପକୁ ନେଇ ବିଶ୍ୱସ୍ତର ତଥା ଭାରତରେ ମଧ୍ୟ ଆମର ଗ୍ରାହକଙ୍କ ଉତ୍ସାହର ପ୍ରତିକ୍ରିୟା ଆମେ ଦେଖିବାକୁ ପାଇଛୁ। ଏପରିକି ଆମର ଏହି ବିଶ୍ୱସ୍ତରୀୟ ରେଷ୍ଟୋରା ପରିସରକୁ ଘରୋଇ ବଜାରରେ ପରିଚିତ କରାଇ ଆମେ ବେଶ୍ ଉତ୍ସାହିତ ଅଛୁ। ବିଶେଷ କରି ଏକ ସବୁଜ ଭବିଷ୍ୟତ ହାସଲ ଦିଗରେ ଆମର ଏହି ପଦକ୍ଷେପକୁ ସଫଳ କରିବା ଲାଗି ଆମେ ପ୍ରତଶ୍ରୁତିବଦ୍ଧ ରହିଛୁ। ଅପରପକ୍ଷରେ ଗ୍ଲୋବାଲ ଆଲୁମିନିୟମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଅନୀଲ ଅଗ୍ରୱାଲ କହିଛନ୍ତି, ବେଦାନ୍ତ ଆଲୁମିନିୟମ ହେଉଛି ଉଚ୍ଚ ଗୁଣାତ୍ମକ ସମାଧାନର ଏକ ବିଶ୍ୱସ୍ତ ପ୍ରଦାନକାରୀ, ଯିଏକି ଗୁଣମାନର ତଥା ମୂଲ୍ୟ ଯୁକ୍ତ ଆଲୁମିନିୟମର ଆବଶ୍ୟକତାକୁ ପୂରଣ କରିଥାଏ।
