ଦାରିଙ୍ଗବାଡ଼ି ୨୧।୩ ( ଅରୁଣ ସାହୁ ) କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକର ଦୁର୍ଗମ ସିର୍କାବର୍ଗ ପଞ୍ଚାୟତର ବାଞ୍ଜାମାହା ଗାଁ ନାହୁଡ଼ିମାହା ସାହି ଏବଂ ପାଙ୍ଗାମାହାରେ ଜଳ ସଙ୍କଟ ଉତ୍କଟ ରୂପ ନେଇଛି। ଜଳ ବିନା ମଣିଷ ହେଉ କି ପ୍ରାଣୀ ସମ୍ପଦ ସମସ୍ତେ ହାହାକାର ହୋଇପଡିଛନ୍ତି। ଏବେ ଜଳ ପାଇଁ ଦୈନିକ ସଂଘର୍ଷ କରିବାକୁ ପଡୁଥିବା ଗ୍ରାମବାସୀ କହୁଛନ୍ତି। ଗାଁରେ ସରକାରଙ୍କ ବସୁଧା ଯୋଜନା ଅପହଞ୍ଚ ରହିଥିବାବେଳେ ସେହି ଗ୍ରାମରେ କୂଅ କିମ୍ବା ନଳକୂଅଟିଏ ମଧ୍ୟ ନାହିଁ। ଫଳରେ ଗ୍ରାମବାସୀ ଗାଁରେ ପଥର ଚୁଆ ପ୍ରସ୍ତୁତ କରିଛନ୍ତି। ସେହି ଚୁଆରୁ ଏବେ ଜଳ ଛାଣି ସଂଗ୍ରହ କରି ପିଇବାକୁ ପଡୁଛି। ବର୍ଷା ଦିନରେ ଉକ୍ତ ଚୁଆରେ ଜଳ ଭର୍ତ୍ତି ହୋଇ ରହୁଥିବାବେଳେ ଜାନୁଆାରୀ ପରଠାରୁ ଆଉ ସେଠାରେ ଜଳ ଗଛିତ ରହୁନାହିଁ। ଫଳରେ ଏବେ ଗ୍ରୀଷ୍ମ ରେ ସୱଳ୍ପ ପାଣି ଓ ଭୁତାଣୁ ସୃଷ୍ଟି ଯୋଗୁ ବିଭିନ୍ନ ରୋଗର ଶିକାର ହେଉଛନ୍ତି। ଗ୍ରାମବାସୀ ପାଣିକୁ ଛାଣି ତାକୁ ରୋଷେଇ ସହ ପିଇବା ପାଣି ଓ ଶୌଚ ଆଦି ପାଇଁ ସେ ଗୋଟିଏ ଚୁଆକୁ ବ୍ୟବହାର କରୁଛନ୍ତି ନାହଡ଼ିମାହା ଗ୍ରାମବାସୀ। ସେହିପରି ପାଙ୍ଗାମାହା ଗ୍ରାମର ମଧ୍ୟ ସମାନ ଅବସ୍ଥା ରାସ୍ତା ନ ଥିବା ଯୋଗୁ ସେଠାକୁ ରିଗ ମେଶିନ ଯାଇପାରୁନାହିଁ। ଫଳରେ ନଳକୂପ ଖୋଲାଯାଇପାରୁନାହିଁ ବୋଲି ଜଳ ଯୋଗାଣ ବିଭାଗର ସହକାରୀ ଯନ୍ତ୍ରୀ କ୍ଷୀରୋଦ ରାଉତ କହିଛନ୍ତି। ତେବେ ଉକ୍ତ ୨ଟିଯାକ ଗ୍ରାମରେ ଖୁବଶୀଘ୍ର ସୋଲାର ପମ୍ପ ବ୍ୟବସ୍ଥା କରାଯିବ। ଏଥିପାଇଁ ସରକାର ଅନୁଦାନ ପ୍ରଦାନ କରିଛନ୍ତି ବୋଲି ସହକାରୀ ଯନ୍ତ୍ରୀ କହିଛନ୍ତି।
Dharitri – Odisha’s No.1 Odia Daily
