ନୂଆଦିଲ୍ଲୀ,୫।୧: ସୁଲଭ ଶିକ୍ଷା ଋଣ ନିମନ୍ତେ ବାଙ୍ଗାଲୋରର ଏକ ନନ୍ ବ୍ୟାଙ୍କିଙ୍ଗ୍ ଫାଇନାନ୍ସିଆଲ୍ କମ୍ପାନୀ (ଏନ୍ବିଏଫ୍ସି) ଆମେରିକାରା ଏକ ବିଶ୍ୱସ୍ତରୀୟ ବିନିଯୋଗ ସଂସ୍ଥା ମାଇକ୍ରୋଭେଷ୍ଟଠାରୁ ୭ ମିଲିୟନ ଡଲାର (ପ୍ରାୟ ୫୬ କୋଟି ଟଙ୍କା) ନିବେଶ ପ୍ରାପ୍ତି କରିଛି। ଏହି ପୁଞ୍ଜି ବିନିଯୋଗ ଦ୍ୱାରା ସାରା ଦେଶର ଗ୍ରାମାଞ୍ଚଳରେ ସୁଲଭ ଶିକ୍ଷାକୁ ସହଯୋଗ ଏବଂ ରୂପାନ୍ତର କରିବା ଏବଂ ଘରୋଇ ବିଦ୍ୟାଳୟକୁ ଋଣ ପ୍ରଦାନ କରିବାର ଭର୍ଥାନାର ଲକ୍ଷ୍ୟକୁ ସକ୍ଷମ କରିବ। ଏହି ପାଣ୍ଠି କୋଭିଡ୍-୧୯ ଦ୍ୱାରା ସୃଷ୍ଟି ହୋଇଥିବା ସମସ୍ୟାରୁ ସୁଲଭ ବିଦ୍ୟାଳୟଗୁଡିକୁ ମୁକୁଳିବା ନିମନ୍ତେ ସହାୟତା କରିବା ପାଇଁ ଭର୍ଥାନାର ଲକ୍ଷ୍ୟକୁ ଦୃଢ କରିବ।
ବିକାଶ ବିଷୟରେ ସୂଚନା ଦେଇ ଭର୍ଥାନାର ସିଇଓ ତଥା ସହପ୍ରତିଷ୍ଠାତା ଷ୍ଟିଭ୍ ହାର୍ଡଗ୍ରେଭ କହିଛନ୍ତି, ମାଇକ୍ରୋଭେଷ୍ଟ ଆମର ଦୀର୍ଘକାଳୀନ ନିବେଶର ଅଂଶୀଦାର ହୋଇଆସୁଅଛି ଯାହା ଭାରତରେ ଗୁଣାମତ୍କ ଶିକ୍ଷା ଉପଲବ୍ଧ କରାଇବା ଦିଗରେ କାର୍ଯ୍ୟ କରୁଛି। ସ୍ବଳ୍ପ ବଜେଟ ବିଦ୍ୟାଳୟ ଯେଉଁଥିରେ ଆମେ ବିନିଯୋଗ କରୁଛୁ, ମହାମାରୀ ସମୟରେ ସମ୍ମୁଖୀନ ହୋଇଥିବା ସମସ୍ୟା ପରେ ବ୍ୟବସାୟକୁ ଫେରିବା ପାଇଁ ନିବେଶ ଅନ୍ତର୍ଭୁକ୍ତ ଆର୍ଥିକ ସେବା ଉପରେ ନିର୍ଭର କରୁଛନ୍ତି। ମାଇକ୍ରୋଭେଷ୍ଟ ସହଯୋଗରେ ଏହି ବିଦ୍ୟାଳୟଗୁଡିକୁ ସାହାଯ୍ୟ କରିବାରେ ଆମେ ଏକ ଦୃଢ଼ ସ୍ଥିତି ହାସଲ କରିଛୁ। ମହାମାରୀର ୨ ବର୍ଷପରେ ବିଦ୍ୟାଳୟଗୁଡିକ ସକାରାମତ୍କ ଦିଗରେ ଗତି କରୁଛନ୍ତି। ଏହି ଆର୍ଥିକ ବର୍ଷ ଶେଷ ସୁଦ୍ଧା ୧୦,୦୦୦ରୁ ଅଧିକ ବିଦ୍ୟାଳୟକୁ ସାହାଯ୍ୟ କରିବା ଆମର ଲକ୍ଷ୍ୟ ରହିଛି। ଋଣ ବିତରଣ କରିବା ବ୍ୟତୀତ ଭର୍ଥାନା ବିଦ୍ୟାଳୟଗୁଡିକୁ ଡିଜିଟାଲ ଲର୍ନିଂ ଟୁଲସ୍ ଏବଂ ଟିଚିଂ ମେଥଡ୍ ପ୍ରଦାନ କରିଛି ଯାହା ମାଧ୍ୟମରେ ଛାତ୍ରୀଛାତ୍ରମାନେ ମହାମାରୀ ସତ୍ତ୍ୱେ ସେମାନଙ୍କ ଶିକ୍ଷା ଜାରି ରଖିପାରିବେ।
ମାଇକ୍ରୋଭେଷ୍ଟର ସିଇଓ ଜୋଶୁଆ ମୋରାକ୍ଜଉସ୍କି କହିଛନ୍ତି, ଭାରତରେ ଭର୍ଥାନା ମାଧ୍ୟମରେ ସ୍ବଳ୍ପ ଆୟ ଅନ୍ତର୍ଭୁକ୍ତ ଛାତ୍ରୀଛାତ୍ର ଏବଂ ସେମାନଙ୍କ ପରିବାରକୁ ସାହାଯ୍ୟକରି ଆମେ ଗର୍ବିତ। ଆମେ ଭର୍ଥାନା ପରି ଦାୟିତ୍ୱପୂର୍ଣ୍ଣ ଆର୍ଥିକ ପ୍ରତିଷ୍ଠାନଗୁଡିକୁ ସମର୍ଥନ କରିବାପାଇଁ ପ୍ରତିଶ୍ରୁତିବଦ୍ଧ। କୋଭିଡ୍ ପରେ ସେମାନଙ୍କର ପ୍ରୟାସ ପୂର୍ବ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ରହିଛି।
