ବମ୍ବେ: ଖିଲାଡ଼ି କୁମାର ଅକ୍ଷୟ କୁମାରଙ୍କ ସହ କାମ କରିବାକୁ କିଏ ବା ନ ଚାହାନ୍ତି। ଏବେ ଅଭିନେତ୍ରୀ ବାଣୀ କପୁରଙ୍କୁ ନାୟିକା ହେବାର ସୁଯୋଗ ମିଳିଛି। ସେ ଅକ୍ଷୟଙ୍କ ସହ ଫିଲ୍ମ ‘ବେଲ୍ ବଟମ୍’ରେ ନଜର ଆସିବେ। ନିଜେ ବାଣୀ ଇନ୍ଷ୍ଟାଗ୍ରାମରେ ଏହା ସ୍ପଷ୍ଟ କରିଛନ୍ତି।
ବାଣୀ ଅକ୍ଷୟଙ୍କ ସହ ଫଟୋଶୁଟ୍ର ଫଟୋ ଶେୟାର କରିଛନ୍ତି। ନୂଆ ପ୍ରୋଜେକ୍ଟ ପାଇଁ ସେ ବେଶ୍ ଉତ୍ସାହୀ। ଶୁଟିଂ କେବେ ଆରମ୍ଭ ହେବ ସେ ଅପେକ୍ଷା କରି ଅଛନ୍ତି ବୋଲି ବାଣୀ କହିଛନ୍ତି।
କହିରଖୁଛୁ, ବେଲ୍ ବଟମ୍ର ନିର୍ଦ୍ଦେଶନା ଦେଉଛନ୍ତି ରଞ୍ଜିତ୍ ଏମ୍ ତିଓ୍ବାରୀ। ଲକ୍ଡାଉନ୍ ସମୟରେ ଫିଲ୍ମର ସ୍କ୍ରିପ୍ଟ ଲେଖା କାମ ସରିଛି। ୨୦୨୧ ଏପ୍ରିଲ ୨ ତାରିଖରେ ଏହାକୁ ରିଲିଜ କରାଯିବ। ପ୍ରଥମେ ଫିଲ୍ମରେ କୃତି ସେନନ୍ଙ୍କ ଭଉଣୀ ନୁପୁର ସେନନ୍ଙ୍କୁ କାଷ୍ଟ କରାଯିବା ନେଇ ଚର୍ଚ୍ଚା ହେଉଥିଲା। ହେଲେ ଏବେ ବାଣୀଙ୍କୁ ମିଳିଛି ସୁଯୋଗ।
