ନୂଆଦିଲ୍ଲୀ,୧୨।୧୧: ସୋମବାର ବିଳମ୍ବିତ ରାତିରେ ଉତ୍ତରାଖଣ୍ଡର ରାଜଧାନୀ ଡେରାଡୁନ ଏକ ଭୟଙ୍କର ସଡକ ଦୁର୍ଘଟଣା ଘଟି ୬ ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଯେଉଁମାନେ ପ୍ରାଣ ହରାଇଛନ୍ତି ସେମାନଙ୍କ ମଧ୍ୟରେ ତିନି ପୁଅ ଏବଂ ତିନି ଝିଅ ଅଛନ୍ତି। ଏହା ବ୍ୟତୀତ ଜଣେ ଯୁବକଙ୍କ ଅବସ୍ଥା ଗୁରୁତର ରହିଛି। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ଦୁର୍ଘଟଣାର ଶିକାର ହୋଇଥିବା କାରଟି ସମ୍ପୂର୍ଣ୍ଣ ଭାଙ୍ଗି ଯାଇଥିଲା।
ସୂଚନ ଅନୁସାରେ ଏହି ଦୁର୍ଘଟଣା ସୋମବାର ବିଳମ୍ବିତ ରାତିରେ ଡେରାଡୁନର ଓଏନଜିସି ଛକରେ ଘଟିଛି। ଗୋଟିଏ କାରରେ ୭ ଜଣ ଯୁବକ ଯୁବତୀ ସାଙ୍ଗ ହୋଇ ବୁଲିବାକୁ ବାହାରିଥିଲେ, ଯେଉଁଥିରେ ତିନି ପୁଅ ଏବଂ ତିନି ଝିଅଙ୍କ ମୃତ୍ୟୁ ହୋଇଯାଇଛି। କାରରେ ଥିବା ସମସ୍ତଙ୍କ ବୟସ ୨୫ରୁ କମ୍ ହେବ।
ଦୁର୍ଘଟଣାଗ୍ରସ୍ତ ହୋଇଥିବା ଇନୋଭା କାର ପ୍ରଥମେ କଣ୍ଟେନର ଏବଂ ପରେ ଗଛ ସହିତ ଧକ୍କା ହୋଇଥିଲା। ପୋଲିସର ସୂଚନାନୁସାରେ, କାରଟି ଦ୍ରୁତ ଗତିରେ ଆସି କଣ୍ଟେନରକୁ ଧକ୍କା ଦେଇଥିଲା। କାରର ଧକ୍କା ଏତେ ଶକ୍ତିଶାଳୀ ଥିଲା ଯେ କାରର ବୋନେଟ୍ କଣ୍ଟେନର ପଛରେ ଅଟକି ଯାଇଥିଲା। ଏହା ପରେ କାରଟି ଭୁଲ ଦିଗରେ ପ୍ରାୟ ୧୦୦ ମିଟର ଯାଇ ଗଛ ସହିତ ଧକ୍କା ହୋଇଥିଲା। ଦୁର୍ଘଟଣାରେ କାରଟି ଛିନ୍ଛତ୍ର ହୋଇଯାଇଛି।
