ପଟ୍ଟାଙ୍ଗି,୧।୪(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ୍ ଅଧିନରେ ରହିଥିବା ଦୁଇ ରାଜ୍ୟର ବିବାଦୀୟ କୋଟିଆ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଜିଲା ପ୍ରଶାସନ ପକ୍ଷରୁ ୯୦ ତମ ଓଡିଶା ଦିବସ ପାଳନ ହୋଇଯାଇଛି । ଏହି ସମୟରେ ଜିଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସ୍ୱତନ୍ତ୍ର ଭାବେ ଫୋଟୋ ଚିତ୍ର ପ୍ରଦର୍ଶନୀ ଆୟୋଜନ କରାଯାଇଥିଲା ।
ଯେଉଁଥିରେ ସ୍ଥାନୀୟ ବିଧାୟକ ତଥା CLP ଲିଡର୍ ରାମଚନ୍ଦ୍ର କାଡାମ୍, କୋରାପୁଟ ବିଧାୟକ ରଘୁରାମ ମାଛ, ଜିଲା ପରିଷଦ ଅଧ୍ୟକ୍ଷା ସସ୍ମିତା ମେଲକା, ସୁନାବେଡା NAC ଅଧ୍ୟକ୍ଷ ରାଜେନ୍ଦ୍ର ପାତ୍ର, ପୂର୍ବତନ ଏମପି ଜୟରାମ ପାଙ୍ଗି, ପୂର୍ବତନ ବିଧାୟକ ପ୍ରଫୁଲ୍ଲ ପାଙ୍ଗି ପ୍ରମୁଖଙ୍କ ସହ ଆୟୋଜିତ କାର୍ଯ୍ୟକ୍ରମର ସଭାପତି ତଥା ଜିଲାପାଳ ମନୋଜ ସତ୍ୟବାନ୍ ମହାଜନ ମିଳିମିଶି ପ୍ରଥମ କରି ପଞ୍ଚାୟତ ସଦର ମହକୁମାରେ ଆୟୋଜିତ ଉକ୍ତ ଫୋଟୋ ଚିତ୍ର ପରିଦର୍ଶନ କରି ନିଜେ ନିଜର ଫୋଟୋ ଉଠାଇ ଉପଭୋଗ କରିଥିଲେ। ପରେ ପଞ୍ଚାୟତ କାର୍ଯ୍ୟାଳୟ ସମୁଖରେ କାର୍ଯ୍ୟକ୍ରମର ସଭାପତି ତଥା ଜିଲାପାଳ ମହାଜନଙ୍କ ସଭାପତିତ୍ୱରେ ଆୟୋଜିତ ଓଡିଶା ଦିବସ କାର୍ଯ୍ୟ ସମସ୍ତ ଅତିଥି ଯୋଗଦେଇ ୧୯୩୬ ମସିହାରେ ଗଠନ ହୋଇଥିଲା ଭାଷା ଭିତିକ ସ୍ୱତନ୍ତ୍ର ରାଜ୍ୟ ଓଡିଶା । ଯାହାକି ଓଡିଆ ବା ଆମମାନଙ୍କ ପାଇଁ ସ୍ୱତନ୍ତ୍ରତା ପରିଚୟ ସୃଷ୍ଟି କରିଥିଲା ବୋଲି ନିଜ ନିଜ ଅଭିଭାଷଣ ଉପସ୍ଥିତ କୋଟିଆ ପଞ୍ଚାୟତ ସୀମାନ୍ତ ବାସିଙ୍କୁ ବୁଝାଇଥିଲେ ।
ଏହି ସମୟରେ ପଞ୍ଚାୟତର ଶିକ୍ଷିତ ମହିଳାମାନଙ୍କ ଦ୍ୱାରା ଆଞ୍ଚଳିକ କୁଈ ଭାଷାରେ ଓଡିଶା ଗଠନ ସମ୍ପର୍କରେ ସୂଚନା ପ୍ରଦାନ କରି ପଡୋଶୀ ଆନ୍ଧ୍ରକୁ ଏକତାର ବାର୍ତ୍ତା ଦେଇଥିଲେ। ଏହାପରେ ବିଭିନ୍ନ ବିଦ୍ୟାଳୟରୁ ଆସିଥିବା ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ପଟ୍ଟାଙ୍ଗି ବ୍ଲକ୍ ଅଧ୍ୟକ୍ଷା କଳ୍ପନା ପାଙ୍ଗି , ଜିଲାପରିଷଦ ସଭ୍ୟା ଟିକାଇ ଗେମେଲ୍, ଜିଲା ଅତିରିକ୍ତ ଜିଲାପାଳ ନରେଶ ଚନ୍ଦ୍ର ଶବର, ସିଡିଓ ବେଣୁଧର ଶବର, ଆମ କୋଟିଆ ଆବାହକ ତଥା ଅବସରପ୍ରାପ୍ତ ଜିଲାପାଳ ଗଦାଧର ପରିଡ଼ା ପ୍ରମୁଖ ଅତିଥି ଭାବେ ଯୋଗଦାନ କରିଥିବା ବେଳେ ଉକ୍ତ କାର୍ଯ୍ୟକ୍ରମକୁ ପରିଚାଳନା କରିବାରେ ବିଡ଼ିଓ ରାମକ୍ରିଷ୍ଣା ନାୟକ, ତହସିଲଦାର ଦେବେନ୍ଦ୍ର ବାଦୁର ସିଂ ଧାରୁଆ, ଅତିରିକ୍ତ ତହସିଲଦାର ସ୍ୱାଗତିକା ରାଉତ, ପଞ୍ଚାୟତ ପାଇଁ ସ୍ୱତନ୍ତ୍ର ଭାବେ ନିଯୁକ୍ତି ପାଇଥିବା ଓଏସଡି ସୌରଭ ଦାସ, ସିଡିପିଓ ବି ଅର୍ଣ୍ଣପୁର୍ଣ୍ଣା, ଏଇଇ ଅଜୟ ରାମ ତରାଇ, ବିଏସଏସଓ ସୁଧିର ସାହୁ, ବ୍ଲକ୍ ଯୋଗାଣ ଅଧିକାରୀ ଅଶୋକ ସାହୁ, ପିଇଓ କଣ୍ଡା ଗୋଲରୀ ଓ ଏପିଓ ସୌମେନ୍ଦ୍ର ନାୟକ ପ୍ରମୁଖ ସହଯୋଗ କରିଥିଲେ । ତେବେ ଏହି ସମସ୍ତ କାର୍ଯ୍ୟକ୍ରମ ଭିତରେ ଗଣମାଧ୍ୟମ ପ୍ରତିନିଧିଙ୍କ ପାଇଁ କୌଣସି ବ୍ୟବସ୍ଥା କରାଯାଇନଥିଲା । ଅବ୍ୟବସ୍ଥାକୁ ନେଇ ଗଣମାଧ୍ୟମ ପ୍ରତିନିଧିମାନେ ଅସନ୍ତୋଷ ପ୍ରକାଶ କରିଥିଲେ ।
