ଓ୍ବାଶିଂଟନ,୧୨।୪: ଆମେରିକାର ରାଜଧାନୀ ଓ୍ବାଶିଂଟନ ଡିସିରେ ମଙ୍ଗଳବାର ଏକ ଗୁଳିକାଣ୍ଡ ଘଟଣା ସାମ୍ନାକୁ ଆସିଛି। କୁହାଯାଉଛି କି ଏହି ଗୁଳିକାଣ୍ଡରେ ଜଣଙ୍କର ମୃତ୍ୟୁ ହୋଇଛି। ଏହାସହ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି। ଏହି ଘଟଣା ସେହି ସମୟରେ ହୋଇଥିଲା ଯେତେବେଳେ କେତେଜଣ ବ୍ୟକ୍ତି କାହାର ଅନ୍ତିମ ସଂସ୍କାରରେ ସାମିଲ ହେବାକୁ ପହଞ୍ଚିଥିଲେ।
ମେଟ୍ରୋପଲିଟନ ପୋଲିସ ମୁଖ୍ୟ ରବର୍ଟ କୋଂଟି କହିଛନ୍ତି, ଉତ୍ତର-ପୂର୍ବ ଓ୍ବାଶିଂଟନରେ ଶବଦାହ ଗୃହ ନିକଟରେ ଜଣେ ପୋଲିସ ଅଧିକାରୀ ଉପସ୍ଥିତ ଥିଲେ, ଯେଉଁଠାରେ ଦିନ ପ୍ରାୟ ୧୨ଟା ୩୦ରେ ଗୁଳି ଫୁଟିଥିଲା। ପୋଲିସର ସୂଚନା ମୁତାବକ, ଅନ୍ତିମ ସଂସ୍କାର ଶେଷ ହେବାର ପ୍ରାୟ ୨୦ ମିନିଟ ପରେ ଏହି ଗୁଳିକାଣ୍ଡ ହୋଇଥିଲା। ଏଥିରେ ଜଣଙ୍କର ମୃତ୍ୟୁ ହୋଇଛି।
