ସାଇବର କାର୍ଯ୍ୟକଳାପ ପାଇଁ ଉତ୍ତର କୋରିଆ ବିରୋଧରେ ପ୍ରତିବନ୍ଧକ ଲଗାଇଲା ଆମେରିକା …

ଓ୍ବାଶିଂଟନ,୨୪।୫ : ଖରାପ ସାଇବର କାର୍ଯ୍ୟକଳାପ ପାଇଁ ଆମେରିକା ଉତ୍ତର କୋରିଆ ଉପରେ ପ୍ରତିବନ୍ଧକ ଲଗାଇଛି। ଆମେରିକା ସରକାର ମଙ୍ଗଳବାର ଉତ୍ତର କୋରିଆ ଗୋଷ୍ଠୀ ଉପରେ ନୂଆ କଟକଣା ଘୋଷଣା କରିଛନ୍ତି। ସରକାର କହିଛନ୍ତି ହ୍ୟାକରମାନେ ପ୍ୟୋଙ୍ଗୟାଙ୍ଗର ଅସ୍ତ୍ର କାର୍ଯ୍ୟକ୍ରମ ପାଇଁ ପାଣ୍ଠି ଜମା କରିବାରେ ନିୟୋଜିତ ଥିଲେ।

ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ ଏକ ବିବୃତ୍ତିରେ କହିଛନ୍ତି ଅଭିଯୋଗ ଅନୁସାରେ ବିଶ୍ୱ ଆର୍ଥିକ ଅନୁଷ୍ଠାନ ଏବଂ ଅନ୍ୟାନ୍ୟ ସଂସ୍ଥାଠାରୁ ଅର୍ଥ ଚୋରି କରାଯାଉଥିଲା।

ଉତ୍ତର କୋରିଆ ହଜାର ହଜାର ବୈଷୟିକ କର୍ମୀଙ୍କୁ ବିଦେଶରେ ନିୟୋଜିତ କରିଛି। ସେମାନଙ୍କ ମଧ୍ୟରେ କେତେକେ ଏଭଳି ମନ୍ଦ ଉଦ୍ଦେଶ୍ୟ ରଖି ସାଇବର କାର୍ଯ୍ୟକଳାପରେ ନିୟୋଜିତ ଥିଲେ ବୋଲି ଟ୍ରେଜେରୀ ବିଭାଗର ବିବୃତ୍ତିରେ କୁହାଯାଇଛି।

ପ୍ୟୋଙ୍ଗୟାଙ୍ଗ ୟୁନିଭରସିଟି ଅଫ ଅଟୋମେସନ ଏବଂ ଚୁନିଙ୍ଗ ସୂଚନା ପ୍ରଯୁକ୍ତିବିଦ୍ୟା ସହଯୋଗ କମ୍ପାନୀ ସମେତ ଚାରୋଟି ସଂସ୍ଥା ଉପରେ ପ୍ରତିବନ୍ଧକ ଲଗାଯାଇଛି।

ଅନ୍ୟ ଦୁଇଟି ସଂଗଠନ ମଧ୍ୟରୁ ଗୋଟିଏ ହେଉଛି ଆପତ୍ତିଜନକ ସାଇବର କୌଶଳ ୟୁନିଟ, ଯାହା ଉତ୍ତର କୋରିଆର ମୁଖ୍ୟ ଇଣ୍ଟେଲିଜେନ୍ସ ବ୍ୟୁରୋ ଅଧୀନରେ କାର୍ଯ୍ୟକରୁଥିବା ୧୧୦ ତମ ଅନୁସନ୍ଧାନ କେନ୍ଦ୍ର ଅଟେ । ଏହା ଦକ୍ଷିଣ କୋରିଆର ମିଡିଆ ଏବଂ ପ୍ରତିରକ୍ଷା କମ୍ପାନୀଗୁଡ଼ିକୁ ଟାର୍ଗେଟ କରିଥିଲା ।