ଓ୍ବାଶିଂଟନ୍,୧୨।୭: ଆମେରିକାରେ ଏକ ଦଃଖଦ ଘଟଣା ଘଟିଛି। ଜଣେ ମହିଳା ନିଜର ୧୩ ମାସର ଶିଶୁ କନ୍ୟା ଉପରେ ଅଜାଣତରେ କାର ଚଢାଇଦେଇଛନ୍ତି। ଫଳରେ ଘଟଣାସ୍ଥଳରେ ଶିଶୁଟିର ମୃତ୍ୟୁ ଘଟିଥିବା ଜଣାପଡିଛି। ଏହି ଘଟଣା ଆମେରିକାର ଆରିଜୋନା ରାଜ୍ୟର।
ରିପୋର୍ଟ ଅନୁଯାୟୀ, ଜୁଲାଇ ୬ରେ ଜଣେ ମହିଳା ୟାଭପାଇ କାଉଣ୍ଟି ଶରିଫ ପୋଲିସକୁ ଫୋନ କରିଥିଲେ। ଫୋନରେ ମହିଳା ଜଣଙ୍କ ପୋଲିସକୁ ସୂଚନା ଦେଇ କହିଥିଲେ ଯେ, ସେ ତାଙ୍କ ୧୩ ମାସ ଝିଅଉପରେ କାର୍ ଚଢାଇ ଦେଇଛନ୍ତି। ହେଲେ ସେ ଅଜ୍ଞାତରେ ଏଭଳି କରିଥିବା ସ୍ବୀକାର କରିଥିଲେ।
ପୋଲିସ କହିଛି ଯେ, ଜାଫାରିଆ ଥର୍ନବର୍ଗ ନାମକ ଜଣେ ମହିଳା ତାଙ୍କ ଘର ବାହାରେ କାର ପାର୍କିଂ କରୁଥିଲେ। ସେହି ସମୟରେ ତାଙ୍କ ଝିଅ ଖେଳୁଥିବା ସମୟରେ କାର୍ ନିକଟରେ ପହଞ୍ଚିଯାଇଥିଲା। ଯାହା ଫଳରେ ଅଜାଣତରେ କାର୍ଟି ଶିଶୁ ଉପରେ ଚଢିଯାଇଥିଲା। ପରେ ଶିଶୁଟିକୁ ହସ୍ପିଟାଲକୁ ନିଆଯାଇଥିଲା। ହେଲେ ସେତେବେଳକୁ ବହୁତ ଡେରି ହୋଇଯାଇଥିଲା। ହସ୍ପିଟାଲରେ ପହଞ୍ଚିବା ପରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
