ଓ୍ବାଶିଂଟନ,୧୮।୪: ଆମେରିକାର ଅଧିକାରୀମାନେ ନ୍ୟୁୟର୍କ ସହରରେ ୨ ଜଣ ଚାଇନା ମୂଳବାସିନ୍ଦ ଆମେରିକା ନାଗରିକଙ୍କୁ ଗିରଫ କରିଛନ୍ତି। ଆମେରିକାରେ ସିକ୍ରେଟ ପୋଲିସ ଷ୍ଟେଶନ ମାଧ୍ୟମରେ ଏମାନେ ଆମେରିକାରେ ଥାଇ ଚାଇନାକୁ ଅନେକ ତଥ୍ୟ ଯୋଗଉଥିବା ଅଭିଯୋଗ ରହିଛି।
ଆମେରିକାର ଜଷ୍ଟିଶ ଡିପାର୍ଟମେଣ୍ଟ କହିଛି ଚାଇନା ମୂଳ ବାସିନ୍ଦ ୨ ଆମେରିକା ନାଗରିକ ୬୧ ବର୍ଷିୟ ଲିୟୁ ଜିୟାଙ୍ଗଓ୍ବାଙ୍ଗ ଓ ୫୯ ବର୍ଷିୟ ଚେନ ଜିନପିଙ୍ଗଙ୍କୁ ଗିରଫ କରାଯାଇଛି। ଏମାନେ ୨୦୨୨ଆରମ୍ଭରୁ ମ୍ୟାନହଟନର ଚାଇନା ଟାଉନରେ ଗୁପ୍ତ ପୋଲିସ ଷ୍ଟେଶନ ଚଳାଉଥିଲେ।
ନ୍ୟୁୟର୍କ ଇଷ୍ଟର୍ଣ୍ଣ ଡିଷ୍ଟ୍ରିକ୍ଟର ଆମେରିକି ଆଟର୍ନି ବ୍ରିୟୋନ ପିସ କହିଛନ୍ତି ଏମାନେ ବେଜିଂର ଇସାରାରେ ନ୍ୟୁୟର୍କ ଓ ଆମେରିକାରେ ଚାଇନାର ପ୍ରବାସୀଙ୍କୁ ଟାର୍ଗେଟ କରି ଆନ୍ତର୍ଜାତୀୟ କାର୍ଯ୍ୟରେ ନିୟୋଜିତ ଥିଲେ। ଗିରଫ ଦୁଇ ଜଣଙ୍କୁ ଆମେରିକା କର୍ତ୍ତୁପକ୍ଷଙ୍କୁ ନ ଜଣାଇ ଚାଇନା ସରକାର ଏଜେଣ୍ଟ ଭାବେ କାର୍ଯ୍ୟ କରିବାକୁ ଷଡଯନ୍ତ୍ର କରାଯିବ ସହ ନ୍ୟାୟ ଉପରେ ବାଧା ସୃଷ୍ଟି ହୋଇଛି।
