ଅହମଦାବାଦ,୧୪।୧ : ଆମେରିକାର ସ୍ବାସ୍ଥ୍ୟ ନିୟାମକ ଗୁଜରାଟ ଭିତ୍ତିକ କାରଖାନାରେ ଔଷଧ ଦ୍ରବ୍ୟର ମାଇକ୍ରୋବାୟୋଲୋଜିକାଲ ପ୍ରଦୂଷଣକୁ ରୋକିବା ପାଇଁ ପରିକଳ୍ପିତ ଉପଯୁକ୍ତ ଲିଖିତ ପ୍ରଣାଳୀ ପାଳନ କରିବାରେ ବିଫଳତା ସହିତ ଉତ୍ପାଦନ ଅଭାବ ପାଇଁ ପ୍ରମୁଖ କମ୍ପାନୀ ସନ ଫାର୍ମାକୁ ତାଭିଦ କରିଛି। ଏନେଇ ଏକ ତାଗିଦ ଚିଠରେ ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ (ୟୁଏସଏଫଡିଏ) ହାଲୋଲ ପ୍ଲାଣ୍ଟରେ ବିଭିନ୍ନ ଔଷଧ ଉତ୍ପାଦନରେ ଅପମିଶ୍ରଣ ଏବଂ ବିଭିନ୍ନ ତ୍ରୁଟି ବିଷୟରେ ସୂଚିତ କରିଛି।
ୟୁଏସଏଫଡିଏ କହିଛି, ସିଜିଏମପି ନିୟମର ଉଲ୍ଲଂଘନ ଯୋଗୁ ଫାର୍ମାସ୍ୟୁଟିକାଲ୍ସକୁ ଏହି ଚେତାବନୀ ପତ୍ର ଦିଆଯାଇଛି। କାରଣ ଉତ୍ପାଦନ, ପ୍ରକ୍ରିୟାକରଣ, ପ୍ୟାକିଂ କିମ୍ବା ଧାରଣର ପଦ୍ଧତି, ସୁବିଧା ସିଜିଏମପି ଅନୁଯାୟୀ ନୁହେଁ। ଔଷଧରେ ଅପମିଶ୍ରଣ କରାଯାଇଛି।
ସ୍ବାସ୍ଥ୍ୟ ନିୟନ୍ତ୍ରକ ୨୬ ଏପ୍ରିଲରୁ ୯ ମେ ୨୦୨୨ ପର୍ଯ୍ୟନ୍ତ ଉତ୍ପାଦନ ସୁବିଧା ଯାଞ୍ଚ କରିଥିଲେ। ଜଣାପଡ଼ିଥିଲା ନିର୍ମାତା କମ୍ପାନର ଏହାର ନିୟମକୁ ଗୁରୁତର ଭାବରେ ଉଲ୍ଲଂଘନ କରିଛନ୍ତି। ୟୁଏସଏଫଡିଏ ମୁମ୍ବାଇ ସ୍ଥିତ କମ୍ପାନୀକୁ ଲେଖିଥିବା ଏକ ଚିଠିରେ ଔଷଧ ଦ୍ରବ୍ୟର ମାଇକ୍ରୋବାୟୋଲୋଜିକାଲ ପ୍ରଦୂଷଣକୁ ରୋକିବା ପାଇଁ ଡିଜାଇନ ହୋଇଥିବା ସଠିକ ଲିଖିତ ପ୍ରଣାଳୀ ପ୍ରତିଷ୍ଠା ତଥା ପାଳନ କରିବାରେ ବିଫଳତାକୁ ସୂଚିତ କରିଛି ଏବଂ ସମସ୍ତ ଆସେପ୍ଟିକ ଅନ୍ତର୍ଭୂକ୍ତ କରେ ଏବଂ ଷ୍ଟେରିଲାଇଜେଶନ ପ୍ରକ୍ରିୟାର ଯାଞ୍ଚ ଅନ୍ତର୍ଭୁକ୍ତ କରାଯାଇଛି ବୋଲି ଚିଠିରେ ଊଲ୍ଲେଖ କରାଯାଇଛି।