୫୦ବର୍ଷ ପାଇଁ ସହର ନବୀକରଣ ଯୋଜନା

ଜଗତ୍‌ସିଂହପୁର ଅଫିସ,୧୩ା୫: ଜଗତ୍‌ସିଂହପୁର ଏକ ମଧ୍ୟମ ଶ୍ରେଣୀର ସହର। ୧୯୮୫ ମସିହା ପରଠାରୁ ସହର ସମେତ ଜିଲାରେ ମାଷ୍ଟର ପ୍ଲାନ ହୋଇନାହିଁ, ଯେଉଁଥିପାଇଁ ସହରଟି ଦିନକୁଦିନ ଅସଜଡା ଅବସ୍ଥାକୁ ଚାଲିଯାଇଛି। ଏଥିଯୋଗୁ ଟ୍ରାଫିକ ସମସ୍ୟାଠାରୁ ଆରମ୍ଭ କରି ବର୍ଜ୍ୟବସ୍ତୁ ପରିଚାଳନା, ବ୍ୟବସାୟ ଆଦି ବିଭିନ୍ନ କ୍ଷେତ୍ରରେ ଅସୁବିଧା ହେଉଛି। ବିଳମ୍ବରେ ହେଉ ପଛେ ୫୦ ବର୍ଷ ପାଇଁ ସହରର ନବୀକରଣ ଯୋଜନାର ମାଷ୍ଟର ପ୍ଲାନ ହେବା ନେଇ ପ୍ରକ୍ରିୟା ଚାଲିଛି। ବାଙ୍ଗାଲୋରର ସ୍କାଏ ଗ୍ରୁପ ନାମକ ସଂସ୍ଥାକୁ ଏହି ଯୋଜନା ପ୍ରସ୍ତୁତି କାମ ଦିଆଯାଇଛି। ଉକ୍ତ ସଂସ୍ଥା ଜଗତ୍‌ସିଂହପୁର ଆଞ୍ଚଳିକ ଉନ୍ନୟନ ଟ୍ରଷ୍ଟ (ଜେଆର୍‌ଆଇଟି) ସହ ୨୬ା୫ା୧୮ରେ ରାଜିନାମା ସ୍ବାକ୍ଷରିତ କରିଥିଲା। ରାଜିନାମା ଅନୁଯାୟୀ, ୨୩ା୭ା୧୯ ଭିତରେ ଏହି ସଂସ୍ଥା ମାଷ୍ଟର ପ୍ଲାନ କରିବାକୁ ସମୟ ଦିଆଯାଇଥିଲା। କିନ୍ତୁ ଅବଧି ସରିବାର ଏଥିମଧ୍ୟରେ ପାଖାପାଖି ୩ ବର୍ଷ ହୋଇଯାଇଥିଲେ ସୁଦ୍ଧା ଯୋଜନା ଆଗେଇ ପାରୁ ନ ଥିଲା। କାରଣ କରୋନା ମହାମାରୀ ଯୋଗୁ ସମସ୍ତ କାର୍ଯ୍ୟରେ ବାଧା ଉପୁଜିଥିବା କୁହାଯାଇଥିଲା। ଗୁରୁବାର ଏହି ପ୍ଲାନ ନେଇ ଭାଗୀଦାରି ବୈଠକ ପରେ ପ୍ରକଳ୍ପ ଆଗେଇବ ବୋଲି ଆଶା ସଞ୍ଚାର ହୋଇଛି।
ପ୍ଲାନ କରିବା ଦାୟିତ୍ୱ ନେଲା ପରେ ସ୍କାଏ ଗ୍ରୁପ୍‌କୁ ଓର୍‌ସାକ ଦ୍ୱାରା ଉତ୍ତୋଳିତ ସାଟେଲାଇଟ୍‌ ଡାଟା ଓ ଅନ୍ୟ ତଥ୍ୟ ଜେଆର୍‌ଆଇଟି ପକ୍ଷରୁ ଯୋଗାଇ ଦିଆଯାଇଥିଲା। ତାହା ପରେ ସ୍କାଏ ଗ୍ରୁପ ଏକ କର୍ମଶାଳା ଓ ପରିକଳ୍ପନା (କନସେପ୍ଟ) ରିପୋର୍ଟ ପ୍ରସ୍ତୁତ କରିଥିଲା। ପରିକଳ୍ପନା ରିପୋର୍ଟ ଉପରେ ଗୁରୁବାର ଭାଗୀଦାରିମାନଙ୍କୁ ନେଇ କର୍ମଶାଳା ହୋଇଥିଲା। ପରେ ତଥ୍ୟ ପର୍ଯ୍ୟବେକ୍ଷଣ (ଡାଟା ଭାଲିଡେଶନ୍‌), ସର୍ଭେକ୍ଷଣ ରିପୋର୍ଟ ଓ ଚିଠା (ଡ୍ରାଫ୍ଟ) ମାଷ୍ଟର ପ୍ଲାନ ଉପସ୍ଥାପନ ହେବ। ଏହା ଉପରେ ଜନ ଅଭିଯୋଗ ଶୁଣାଣି ପରେ ଶେଷରେ ଚୂଡାନ୍ତ ମାଷ୍ଟର ପ୍ଲାନ ପ୍ରକାଶ ପାଇବ। ଗୁରୁବାର ଜଗତ୍‌ସିଂହପୁର ଆଞ୍ଚଳିକ ଉନ୍ନୟନ ସଂସ୍ଥା (ଜେଆର୍‌ଆଇଟି) ପକ୍ଷରୁ ଜଗତ୍‌ସିଂହପୁର ପୌରାଞ୍ଚଳ ତଥା ତତ୍‌ସଂଲଗ୍ନ ୨୨ଟି ରାଜସ୍ବ ଗ୍ରାମ, ତିର୍ତ୍ତୋଲ ବ୍ଲକର ୨୧, ରଘୁନାଥପୁରର ୧୦, ବିରିଡ଼ିର ୧୨ ଓ ବାଲିକୁଦା ବ୍ଲକର ୮ଟି ରାଜସ୍ବ ଗ୍ରାମକୁ ମିଶାଇ ମୋଟ ୯୩ଟି ମୌଜାର ୧୧୪ ବର୍ଗ କି.ମି.କୁ ନେଇ ଜିଆଇଏସ୍‌ ପଦ୍ଧତିରେ ପ୍ରସ୍ତୁତ ହେବାକୁ ଥିବା ମାଷ୍ଟର ପ୍ଲାନର ଭାଗୀଦାରି ବୈଠକରେ ଅନେକ ପ୍ରସଙ୍ଗକୁ ନେଇ ଆଲୋଚନା ହୋଇଥିଲା। ଜିଲାପାଳଙ୍କ କାର୍ଯ୍ୟାଳୟ ପରିସର ସଦ୍‌ଭାବନା ସଭାଗୃହରେ ଅନୁଷ୍ଠିତ ବୈଠକରେ ରାଜ୍ୟ ସରକାରଙ୍କ ସହର ଯୋଜନା ନିର୍ଦ୍ଦେଶକ ଶୁଭେନ୍ଦ୍ର ମିଶ୍ର ଯୋଗ ଦେଇଥିଲେ। ସ୍କାଏ ଗ୍ରୁପ ସଂସ୍ଥାର ସହର ଯୋଜନାକାରୀ (ଟାଉନ ପ୍ଲାନର) ସଂଗୃହୀତ ତଥ୍ୟ ସମ୍ବନ୍ଧରେ ବିସ୍ତୃତ ଆଲୋଚନା କରିଥିଲେ। ଏଥିରେ ମାଷ୍ଟର ପ୍ଲାନ ଅଞ୍ଚଳ ଅଧୀନସ୍ଥ ତହସିଲଦାର, ବିଡିଓ, ପୌର ନିର୍ବାହୀ ଅଧିକାରୀ ଓ ଜିଲାସ୍ତରୀୟ ଅଧିକାରୀ ତଥା ସରପଞ୍ଚମାନେ ଉପସ୍ଥିତ ଥିଲେ। ଅତିରିକ୍ତ ଜିଲାପାଳ ସଚ୍ଚିଦାନନ୍ଦ ସାହୁ, ଡିଆର୍‌ଡିଏ ପ୍ରକଳ୍ପ ନିର୍ଦ୍ଦେଶକ ଡ. ରୁଦ୍ରନାରାୟଣ ଦାଶ କେତେକ ସୁଚିନ୍ତିତ ମତାମତ ଉପସ୍ଥାପନ କରିଥିଲେ। ଶେଷରେ ଜେଆର୍‌ଆଇଟି ସଚିବ କୀର୍ତ୍ତନ ବିହାରୀ ନାୟକ ଧନ୍ୟବାଦ ଦେଇଥିଲେ।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri