ଲକ୍ଷ୍ନୌ,୨୫ ।୧୨: ଉତ୍ତର ପ୍ରଦେଶ ସରକାରଙ୍କ ଫ୍ରି ଲ୍ୟାପଟପ ଓ ସ୍ମାର୍ଟଫୋନ ସ୍କିମ ୨୦୨୧ର ଶୁଭାରମ୍ଭ ଶନିବାର କରାଯାଉଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳବିହାରୀ ବାଜପେୟୀଙ୍କ ଜୟନ୍ତି ଅବସରରେ ବିଭିନ୍ନ ପାଠ୍ୟକ୍ରମର ଶେଷ ବର୍ଷର ବିଦ୍ୟାର୍ଥୀଙ୍କୁ ସ୍ମାର୍ଟଫୋନ ଓ ଲ୍ୟାପଟପ ପ୍ରଦାନ କରିବେ । ପ୍ରଥମ ପର୍ଯ୍ୟାୟରେ ଭିନ୍ନ ଭିନ୍ନ ସହରର ଲକ୍ଷଲକ୍ଷ ବିଦ୍ୟାର୍ଥୀ ଏହାର ଲାଭ ଉଠାଇବେ । ଶନିବାର ଲକ୍ଷ୍ନୌରେ ଭାରତ ରତ୍ନ ଅଟଳ ବିହାରୀ ବାଜପେୟୀ ଇକାନା ଷ୍ଟାଡିୟମରେ ସ୍କୁଲ ପାସ କରିଥିବା ଭିନ୍ନ ଭିନ୍ନ ପ୍ରଫେଶନର ବିଦ୍ୟାର୍ଥୀଙ୍କୁ ମାଗଣାରେ ସ୍ମାର୍ଟ ଫୋନ ଓ ଲ୍ୟାପଟପ ଦେବେ । କାର୍ଯ୍ୟକ୍ରମରେ ପ୍ରତି ଜିଲାରୁ ବହୁ ସଂଖ୍ୟାରେ ଛାତ୍ରୀ-ଛାତ୍ର ଯୋଗଦେବେ ବୋଲି କୁହାଯାଇଛି । ସରକାରଙ୍କର ଲକ୍ଷ୍ୟ ରହିଛି ୧ କୋଟିସ୍ମାର୍ଟ ଫୋନ ଓ ଲ୍ୟାପଟପ ବାଣ୍ଟିବେ । ପ୍ରଥମଭାଗରେ ୬୦ ହଜାର ସ୍ମାର୍ଟ ଫୋନ ଓ ୪୦ ହଜାର ଲ୍ୟାପଟପ ବାଣ୍ଟିବାର ଯୋଜନା ରହିଛି । ଏହି ସୁବିଧା, ଶେଷ ବର୍ଷ ଏମ୍ଏ, ବିଏ, ବିଏସ୍ସି, ଆଇଟିଆଇ, ଏମ୍ବିବିଏସ୍, ଏମ୍ଡି , ବିଟେକ୍, ଏମ୍ଟେକ ପିଏଚଡି, ଏମ୍ଏସ୍ଏମ୍ଇ ଓ କୁଶଳି ବିକାଶ ପାଠ୍ୟକ୍ରମର ବିଦ୍ୟାର୍ଥୀଙ୍କୁ ଏହି ସୁବିଧା ମିଳିବ ।
