ହାଥରସ,୨୦।୨: ଭାରତୀୟ ଜନତା ପାର୍ଟିର ଜଣେ କାର୍ଯ୍ୟକର୍ତ୍ତାଙ୍କୁ ଗୁଳି ମାରି ହତ୍ୟା କରାଯାଇଛି। ହାଥରସର ଏକ ପୋଲିଂ ବୁଥ୍ ନିକଟରେ କିଛି ଦୁର୍ବୃତ୍ତ ଭାଜପା କାର୍ଯ୍ୟକର୍ତ୍ତାଙ୍କୁ ହତ୍ୟା କରିଥିବା ଜଣାପଡିଛି। ଏପର୍ଯ୍ୟନ୍ତ ହତ୍ୟାର କାରଣ ଜଣାପଡିନାହିଁ। ମୃତ ଯୁବକଙ୍କ ନାମ କ୍ରିଷ୍ଣା ଯାଦବ। ତାଙ୍କ ବୟସ ୨୫। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ,ସିକନ୍ଦରା ରାଓ ବିଧାନସଭା ଅଞ୍ଚଳରେ ଥିବା ଗୌସଗଞ୍ଜରେ କ୍ରିଷ୍ଣାଙ୍କୁ ହତ୍ୟା କରାଯାଇଛି। ଜିଏସ୍ ହିନ୍ଦୁ ଇଣ୍ଟର କଲେଜ୍ ନିକଟରେ କ୍ରିଷ୍ଣାଙ୍କ ଘର ରହିଛି। ସେଠାରେ ଏକ ପୋଲିଂ ବୁଥ୍ କରାଯାଇଥିଲା। କ୍ରିଷ୍ଣାଙ୍କ ଭଉଣୀ ପୂଜାଙ୍କ କହିବା ଅନୁଯାୟୀ, ଦୁର୍ବୃତ୍ତମାନେ କ୍ରିଷ୍ଣାଙ୍କ ମୁଣ୍ଡକୁ ଗୁଳି ମାରିଛନ୍ତି।
