ଲକ୍ଷ୍ନୌ,୧୫।୯: ୟୁପି ଭାଜପା ସଂଗଠନରେ ଏକ ବଡ଼ ଧରଣର ଅଦଳବଦଳ ହୋଇଛି। ୟୁପିରେ ୭୫ ପ୍ରତିଶତରୁ ଅଧିକ ଜିଲାର ଜିଲାମୁଖ୍ୟଙ୍କୁ ପରିବର୍ତ୍ତନ କରାଯାଇଛି। ଆଗାମୀ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏହି ପରିବର୍ତ୍ତନ କରାଯାଇଛି ବୋଲି କୁହାଯାଉଛି।
ଦୀର୍ଘ ଦିନ ଧରି ଭାଜପାରେ ସାଂଗଠନିକ ପୁନର୍ଗଠନ ପାଇଁ ଆଲୋଚନା ଚାଲିଥିଲା। ଶୁକ୍ରବାର ଏହି ପରିବର୍ତ୍ତନ କରାଯାଇଛି। ଭାଜପାର ୯୮ଟି ସାଂଗଠନିକ ଜିଲାରେ ନୂତନ ଜିଲା ସଭାପତି ନିଯୁକ୍ତ କରାଯାଇଛି। ଏହି ବିଷୟରେ ଆଲୋଚନା ପ୍ରାୟ ଦୁଇମାସ ଧରି ଚାଲିଥିଲା। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ସାମାଜିକ ତଥା ଆଞ୍ଚଳିକ ସନ୍ତୁଳନ ବଜାୟ ରଖିବାବେଳେ ଏହି ନିଯୁକ୍ତି ଦିଆଯାଇଛି। କେବଳ ୨୪ ଜିଲା ସଭାପତି ସେମାନଙ୍କ ଚେୟାର ବଞ୍ଚାଇରେ ସଫଳ ହୋଇଛନ୍ତି। ତେବେ ଏହି ତାଲିକାରେ ମହିଳାମାନେ କମ ସ୍ଥାନ ପାଇଛନ୍ତି। କେବଳ ପାଞ୍ଚଜଣ ମହିଳାଙ୍କୁ ଜିଲା ସଭାପତି ଦାୟିତ୍ୱ ଦିଆଯାଇଛି।
