ଗଞ୍ଜାମ,୩ା୭(ଡି.ଏନ୍.ଏ.): ବର୍ତ୍ତମାନ ଗଞ୍ଜାମ ଜିଲାରେ ମହାମାରୀ କରୋନା ଉଗ୍ରରୂପ ଧାରଣ କରିଛି। ଏଭଳି ପରିସ୍ଥିତିରେ ପ୍ରଶାସନର ନିଦ ହଜିଗଲାଣି। ଏଥିପାଇଁ ଜିଲାପାଳ ବିଜୟ ଅମୃତ କୁଲାଙ୍ଗେ ବାରମ୍ବାର ଶଟ୍ଡାଉନ୍ ଘୋଷଣା କରୁଛନ୍ତି l ମାସ୍କ ଓ ସାମାଜିକ ଦୂରତା ରଖିବାକୁ ବିଭିନ୍ନ ଉପାୟରେ ସଚେତନତା ସୃଷ୍ଟି କରୁଛନ୍ତି l କିନ୍ତୁ ଲୋକେ ତାହା ମାନୁ ନ ଥିବା ଦେଖିବାକୁ ମିଳିଛି l ଗଞ୍ଜାମ ସହର ଋଷିକୂଲ୍ୟା ବ୍ରିଜ ଛତ୍ରପୁର ଯିବା ରାସ୍ତା ୧୬ ନମ୍ବର ଜାତୀୟ ରାଜପଥ ପାର୍ଶ୍ୱ ଆମିଷ ଦୋକାନରେ ଅସମ୍ଭାଳ ଭିଡ଼ ଜମୁଥିବା ଦେଖିବାକୁ ମିଳିଛି l ଶହ ଶହ ଲୋକ ଗୋଟିଏ ସ୍ଥାନରୁ ମାଛ କଙ୍କଡ଼ା କିଣୁଥିବା ବେଳେ ସେମାନଙ୍କୁ ନିୟନ୍ତ୍ରଣ କରିବା ପାଇଁ କେହି ନାହାନ୍ତି। ଫଳରେ ଗୋଷ୍ଠୀ ସଂକ୍ରମଣ ଆଶଙ୍କାକୁ ଏଡ଼ାଇ ଦେଇହେବ ନାହିଁ l ଅନ୍ୟପଟେ ଉଭୟ ରାସ୍ତାରେ ଶହ ଶହ ବାଇକ୍ ରହୁଥିବାରୁ ଦୁର୍ଘଟଣା ଘଟିବା ସମ୍ଭାବନା ରହିଛି l ତେଣୁ ପ୍ରଶାସନ ପକ୍ଷରୁ ଦୃଷ୍ଟି ଦେବାକୁ ଦାବି ହୋଇଛି l
