ଓ୍ବାଶିଂଟନ୍,୯।୯ ଆମେରିକାର ମାଇନୋର କ୍ରିକେଟ ଲିଗରେ ସିଲିକନ ଭ୍ୟାଲି ଷ୍ଟ୍ରାଇକର୍ସ ପାଇଁ ଖେଳୁଥିବା ଉନ୍ମୁକ୍ତ ଚାନ୍ଦଙ୍କ ଚମତ୍କାର ବ୍ୟାଟିଂ କରୁଛନ୍ତି। ଉନ୍ମୁକ୍ଟ ଏବେ ଚମତ୍କାର ଫର୍ମରେ ଅଛନ୍ତି ଏବଂ ତାଙ୍କ ଦଳକୁ ଚିକାଗୋ ବ୍ଲାଷ୍ଟର୍ସ ବିପକ୍ଷରେ ୯ ଉଇକେଟ୍ ବିଜୟ ପ୍ରଦାନ କରିଛନ୍ତି। ବ୍ୟାଟିଂ କରୁଥିବା ବେଳେ ୬୩ ବଲରୁ ଅମୀମାଂସିତ ଚାନ୍ଦ ୯୦ ରନ କରିଥିଲେ। ଉନ୍ମୁକ୍ଟ ଚାନ୍ଦ ତାଙ୍କ ଇନିଂସରେ ୧୦ ଚୌକା ଓ ୩ ଛକା ମାରିଥିଲେ। ଉନ୍ମୁକ୍ତ ଚାନ୍ଦଙ୍କ ଷ୍ଟ୍ରାଇକ ରେଟ୍ ୧୪୨ରୁ ଅଧିକ ଥିଲା। ବ୍ୟାଟିଂ କରୁଥିବା ବେଳେ ୬୩ ବଲରୁ ଚାନ୍ଦ ୯୦ ରନ କରିଥିଲେ। ଉନ୍ମୁକ୍ତ ଚାନ୍ଦ ଏ ପର୍ଯ୍ୟନ୍ତ ଏହି ଲିଗ୍ରେ ୩୦୪ ରନ ସଂଗ୍ରହ କରିଛନ୍ତି। ୮ ଟି ମ୍ୟାଚରେ ତାଙ୍କ ହାରାହାରି ୬୦.୮୦ ରହିଛି। ଉନ୍ମୁକ୍ତ ମୋଟ ୧୦ ଛକା ଓ ୩୦ ଚୌକା ମାରିଛନ୍ତି। ଏବଂ ତାଙ୍କର ଷ୍ଟ୍ରାଇକ ହାର ମଧ୍ୟ ୧୧୩ରୁ ଅଧିକ। ଟୁର୍ଣ୍ଣାମେଣ୍ଟରେ ଉନ୍ମୁକ୍ତ ବର୍ତ୍ତମାନ ପର୍ଯ୍ୟନ୍ତ ୩ ଅର୍ଦ୍ଧଶତକ ହାସଲ କରିଛନ୍ତି ଏବଂ ତାଙ୍କର ସର୍ବୋତ୍ତମ ସ୍କୋର ୯୦।
ସୂଚନାଯୋଗ୍ୟ, ଉନ୍ମୁକ୍ତ ଚାନ୍ଦ ୨୮ ବର୍ଷ ବୟସରେ ଭାରତୀୟ କ୍ରିକେଟରୁ ଅବସର ନେଇଥିଲେ। ଉନ୍ମୁକ୍ତଙ୍କ ଅଧିନାୟକତ୍ୱରେ ଭାରତ ୨୦୧୨ରେ ଅଣ୍ଡର -୧୯ ବିଶ୍ୱକପ ଜିତିଥିଲା। ସେ ଆଇପିଏଲରେ ଦିଲ୍ଲୀ ଡେୟାରଡେଭିଲ୍ସ ଏବଂ ମୁମ୍ବାଇ ଇଣ୍ଡିଆନ୍ସ ପାଇଁ ମଧ୍ୟ ଖେଳିଥିଲେ। ଭାରତରେ ସୁଯୋଗ ମିଳୁ ନ ଥିବାରୁ ସେ ଆମେରିକାରେ ଖେଲିବାକୁ ନିଷ୍ପତ୍ତି ନେଇଥିଲେ।
