ମାଲକାନଗିରି/ମାଥିଲି,୧୧ା୯(ଡି.ଏନ.ଏ.): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ହଳଦୀକୁଣ୍ତ ଗ୍ରାମରେ ଦେଖାଦେଇଥିବା ଅଜଣା ରୋଗରେ ଶନିବାର ଜଣକର ମୃତ୍ୟୁ ହୋଇଛି। ଫଳରେ ମୃତ୍ୟୁସଂଖ୍ୟା ୧୨ ରେ ପହଞ୍ଚତ୍ଛି। ମୃତକ ହେଲେ ହଳଦୀକୁଣ୍ତ ଗ୍ରାମର ଆଇତା ମାଡକାମୀ। କିଛି ଦିନ ତଳେ ଆଇତାଙ୍କ ଗୋଡ ହାତ ଫୁଲିବା ସହ ତାଙ୍କୁ ଜ୍ବର ହୋଇଥିଲା। ଅନ୍ଧବିଶ୍ବାସର ବଶବର୍ତ୍ତୀ ହୋଇ ଆଇତା ଚିକିତ୍ସା ପାଇଁ ଡାକ୍ତରଖାନା ଯାଇ ନ ଥିଲେ। ସମ୍ପୃୃକ୍ତ ଗ୍ରାମରେ ପହଞ୍ଚତ୍ ଡାକ୍ତରୀ ଟିମ୍ ଆକ୍ରାନ୍ତଙ୍କଠାରୁ ରକ୍ତନମୁନା ସଂଗ୍ରହ କରିଛି। ଜିଲା ପରିଷଦ ସଭ୍ୟା ଲକ୍ଷ୍ମୀପ୍ରିୟା ନାୟକ ମଧ୍ୟ ଆକ୍ରାନ୍ତ ଅଞ୍ଚଳ ପରିଦର୍ଶନ କରି ଲୋକଙ୍କୁ ସ୍ବାସ୍ଥ୍ୟକେନ୍ଦ୍ର ଯିବାକୁ ପରାମର୍ଶ ଦେଇଛନ୍ତି। ଆଇତାଙ୍କ ମୃତ୍ୟୁ ପରେ ଅଜଣା ରୋଗରେ ମୃତ୍ୟୁ ସଂଖ୍ୟା ୧୨ରେ ପହଞ୍ଚତ୍ଛି। କିନ୍ତୁ ସ୍ବାସ୍ଥ୍ୟବିଭାଗ ପକ୍ଷରୁ ଏହାକୁ ଅସ୍ବୀକାର କରାଯାଇଛି। କେବଳ ୫ ଜଣଙ୍କ ମୃତ୍ୟୁ ହୋଇଥିବା ବିଭାଗ ପକ୍ଷରୁ କୁହାଯାଇଛି।
ଅନ୍ୟପକ୍ଷରେ ଖବର ପ୍ରକାଶ ପରେ ମାଥିଲି ସବଡିଭିଜନ ମେଡିକାଲ ଟିମ୍ ଘଟଣା ସ୍ଥଳରେ ପହଞ୍ଚତ୍ଛନ୍ତି। ମେଡିକାଲ ଅଧିକାରୀ ଡାକ୍ତର ଅମୀୟ ସ୍ବାଇଁଙ୍କ ନେତୃତ୍ୱରେ ଆକ୍ରାନ୍ତ ଅଞ୍ଚଳକୁ ଯାଇ ଟିମ୍ ରକ୍ତ ନମୁନା ସଂଗ୍ରହ କରିଛନ୍ତି। ଏଥିସହ ସ୍ଥାନୀୟ ଅଞ୍ଚଳର ମଦ ଏବଂ ଜଳନମୁନା ମଧ୍ୟ ପରୀକ୍ଷା ପାଇଁ ସଂଗ୍ରହ କରାଯାଇଛି। ମେଡିକାଲ ଟିମ୍ର ଅନୁଧ୍ୟାନ ସତ୍ୱେ କେଉଁ କାରଣରୁ ଲୋକଙ୍କ ଜୀବନ ଯାଉଛି ତାହା ସ୍ପଷ୍ଟ ହୋଇପାରୁନି। ଗ୍ରାମବାସୀଙ୍କୁ ସଚେତନ କରି ସେମାନଙ୍କୁ ସ୍ବାସ୍ଥ୍ୟକେନ୍ଦ୍ର ଆଣିବାକୁ ବ୍ୟବସ୍ଥା କରାଯାଇଥିବା ଡା. ସ୍ବାଇଁ କହିଛନ୍ତି। ସେହିପରି ଚିକିତ୍ସା ପାଇଁ ଅଞ୍ଚଳରେ ଲୋକଙ୍କ ମାନସିକତାରେ ପରିବର୍ତ୍ତନ ହୋଇନି। ସ୍ବାସ୍ଥ୍ୟବିଭାଗ ଟିମ୍କୁ ଦେଖିଲେ ଲୋକେ ଘରୁ ବାହାରୁନାହାନ୍ତି। ଏ ନେଇ ସିଡିଏମ୍ଓ ପ୍ରଫୁଲ୍ଲ କୁମାର ନନ୍ଦଙ୍କୁ ପଚାରିବାରୁ ସେ କହିଛନ୍ତି, ଏହା କୌଣସି ଅଜଣା ରୋଗ ନୁହେଁ। ଅତ୍ୟଧିକ ଦେଶୀମଦ ପିଇବାରୁ ଏଭଳି ସ୍ଥିତି ଉପୁଜିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ରିପୋର୍ଟ ଆସିବା ପରେ ସବୁ ସ୍ପଷ୍ଟ ହେବ ବୋଲି ନନ୍ଦ କହିଛନ୍ତି। ଏଥିସହ ଏହି ରୋଗରେ ୧୨ ଜଣଙ୍କର ନୁହେଁ ୫ ଜଣଙ୍କ ମୃତ୍ୟୁ ହୋଇଥିବା ସେ କହିଛନ୍ତି। ତେବେ ଗ୍ରାମରେ ଦେଶୀ ମଦର ଅତ୍ୟଧିକ ବ୍ୟବହାରକୁ ରୋକିବା ଲାଗି ଜିଲାପାଳଙ୍କ ନିର୍ଦ୍ଦେଶରେ ଅବକାରୀ ବିଭାଗ ମଧ୍ୟ ଗ୍ରାମରେ ଚଢ଼ାଉ କରିଛି।
