ନ୍ୟୁୟର୍କ,୧୫ ।୧୧: ଆମେରିକାର ଭର୍ଜିନିଆ ବିଶ୍ୱବିଦ୍ୟାଳୟ ପରିସରରେ ରବିବାର ରାତିରେ ଗୁଳିକାଣ୍ଡ ହୋଇଛି । ଏହି ସମୟରେ ଭର୍ଜିନିଆ ବିଶ୍ୱ ବଦ୍ୟାଳୟ ଫୁଟବଲ ଟିମର ୩ ଜଣ ସଦସ୍ୟଙ୍କର ମୃତ୍ୟୁ ହୋଇଛି । ଏହାସହ ଅନ୍ୟ ୨ ଜଣ ଆହତ ହୋଇଛନ୍ତି । ଭର୍ଜିନିଆ ବିଶ୍ୱବିଦ୍ୟାଳୟ ପୋଲିସ ପକ୍ଷରୁ ଏହି ସୂଚନା ଦିଆଯାଇଛି । ମୃତକଙ୍କ ମଧ୍ୟରେ ଫୁଟବଲ ଖେଳାଳି ଲେଭେଲ ଡେଭିଡ ଓ ଡେସିନ ପେରି ରହିଛନ୍ତି ।
ନ୍ୟୁଜ ଏଜେନ୍ସି ରଏଟର୍ସର ସୂଚନା ଅନୁଯାୟୀ, ଏହି ମାମଲାରେ ସନ୍ଦିଗ୍ଧ ବ୍ୟକ୍ତିଙ୍କୁ ଗିରଫ କରାଯାଇଛି । ବିଶ୍ୱବିଦ୍ୟାଳୟ ପରିସରରେ ଗୁଳିକାଣ୍ଡର କିଛି ଘଣ୍ଟା ପରେ ଉକ୍ତ ବ୍ୟକ୍ତି ଏକ ଫିଲ୍ଡ ଟ୍ରିପରୁ ଫେରୁଥିବା ଛାତ୍ରରେ ଭରା ବସ ଉପରକୁ ବି ଗୁଳି ଚଳାଇଥିଲେ । ଏହି ସମୟରେ ପୋଲିସ ତାଙ୍କୁ କାବୁ କରି ନେଇଥିଲା । ବିଶ୍ୱବିଦ୍ୟାଳୟ ପୋଲିସ ଏକ ଖବରଦାତା ସମ୍ମଳନୀରେ କହିଛି, ସନ୍ଦିଗ୍ଧ ଛାତ୍ର ଜଣକ ହେଉଛନ୍ତି କ୍ରିଷ୍ଟୋଫର ଡାନେଲ ଜୋନ୍ସ(୨୨)ଙ୍କୁ ରବିବାର ରାତି ପ୍ରାୟ ୧୦ଟା ୩୦ରେ ଗିରଫ କରାଯାଇଛି ।
ୟୁଭିଏ ମ୍ୟାନେଜମେଣ୍ଟ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ଏହି ଘଟଣା ପରେ ବିଶ୍ୱବିଦ୍ୟାଳୟର ମୁଖ୍ୟ କ୍ୟାମ୍ପସକୁ ବନ୍ଦ କରି ଦିଆଯାଇଛି । ତେବେ ସନ୍ଦିଗ୍ଧ ଛାତ୍ର ଜଣଙ୍କ ୟୁନିଭର୍ସିଟିର ଛାତ୍ର ବୋଲି ଜଣାପଡିଥିବା ବେଳେ ସେ ପୂର୍ବରୁ ୟୁଭିଏ ଫୁଟବଲ ଟିମର ପ୍ଲେୟାର ରହି ସ।।ରିଛନ୍ତି ।
