ନୂଆଦିଲ୍ଲୀ,୭।୬: ଓଡ଼ିଶା ଟ୍ରେନ ଦୁର୍ଘଟଣାକୁ ନେଇ ବିରୋଧୀ ଦଳ ରାଜନୈତିକ ଫାଇଦା ଉଠାଇବାକୁ ଚେଷ୍ଟା କରୁଥିବା ଅଭିଯୋଗ ଆଣିଛନ୍ତି କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀ। ସେ କହିଛନ୍ତି, ବହୁମୂଲ୍ୟ ଜୀବନ ବଞ୍ଚାଇବା ପାଇଁ ପୀଡିତଙ୍କ ପର୍ଯ୍ୟନ୍ତ ପହଞ୍ଚିବା ନେଇ ସରକାରଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି।
ମୋଦି ସରକାରଙ୍କ ୯ ବର୍ଷ ପୂରଣ ହେବା ପରେ ସରକାରଙ୍କ ସଫଳତା ବିଷୟରେ କହିବା ପାଇଁ ହରଦୀପ ସିଂ ଜମ୍ମୁରେ ପହଞ୍ଚିଥିଲେ। ଏହି ସମୟରେ କେନ୍ଦ୍ର ମନ୍ତ୍ରୀ ମଙ୍ଗଳବାର ବିରୋଧୀ ଦଳମାନଙ୍କୁ ଓଡିଶା ଟ୍ରେନ ଦୁର୍ଘଟଣାକୁ ନେଇ ଟାର୍ଗେଟ କରିଛନ୍ତି।
ବିବିସି ଉପରେ ଇନକମ୍ ଟ୍ୟାକ୍ସକୁ ରକ୍ଷା କରି ସେ କହିଛନ୍ତି ଯେ, ଭାରତରେ ଗଣତନ୍ତ୍ର ଶକ୍ତିଶାଳୀ ଏବଂ କୌଣସି ଶକ୍ତି ଏହାକୁ ନଷ୍ଟ କରିପାରିବେ ନାହିଁ। ବିବିସିର ଅତୀତର କାର୍ଯ୍ୟକଳାପରୁ ଜଣାପଡିଛି ଯେ ଯେଉଁମାନେ ଭାରତରେ ଏଜେଣ୍ଡା ଚଳାନ୍ତି ସେ ସେମାନଙ୍କ ସହ ଅଛନ୍ତି।
