ନୂଆଦିଲ୍ଲୀ,୧।୨: ଅର୍ଥମନ୍ତ୍ରୀ ନିର୍ମଳା ସୀତାରାମନ କେନ୍ଦ୍ରୀୟ ବଜେଟ ଉପସ୍ଥାପନ କରୁଛନ୍ତି। ଇନକମ୍ ଟ୍ୟାକ୍ସକୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମନ ଏକ ବଡ଼ ଘୋଷଣା କରିଛନ୍ତି। ଏବେ ୧୨ ଲକ୍ଷ ଟଙ୍କା ପର୍ଯ୍ୟନ୍ତ କୌଣସି ଟିକସ ଦେବାକୁ ପଡିବ ନାହିଁ। ଆର୍ଥିକ ଅଭିବୃଦ୍ଧି ଏବଂ ଜନସଂଖ୍ୟାର ଆବଶ୍ୟକତା ଉପରେ ନିର୍ଭର କରି ଭାରତରେ ଆୟକର ହାର ସମୟ ସହିତ ପରିବର୍ତ୍ତନ ହେଉଛି। ଏହି ହାରରେ ବୃଦ୍ଧି କିମ୍ବା ହ୍ରାସ ସିଧାସଳଖ ସାଧାରଣ ଜନତାଙ୍କୁ ପ୍ରଭାବିତ କରେ, ତେଣୁ ଟିକସ ବ୍ୟବସ୍ଥା ସମସ୍ତ ବର୍ଗ ପାଇଁ ନ୍ୟାୟପୂର୍ଣ୍ଣ ହେବା ନିଶ୍ଚିତ କରିବା ଆବଶ୍ୟକ।
ଅର୍ଥମନ୍ତ୍ରୀ ବଡ଼ ଘୋଷଣା କରି କହିଛନ୍ତି ଯେ ଏବେ ୧୨ ଲକ୍ଷ ଟଙ୍କା ବାର୍ଷିକ ଆୟ ଉପରେ କୌଣସି ଟିକସ ଦେବାକୁ ପଡିବ ନାହିଁ। ନୂତନ ଟିକସ ବ୍ୟବସ୍ଥା ଅଧୀନରେ ଏହି ପରିବର୍ତ୍ତନ କରାଯାଇଛି। ପୂର୍ବରୁ ୭ ଲକ୍ଷ ଟଙ୍କା ଆୟ ଉପରେ କୌଣସି ଟିକସ ଦେବାକୁ ପଡୁନଥିଲା। ମାନକ ଡିଡକ୍ସନ କେବଳ ୭୫,୦୦୦ ଟଙ୍କା ରଖାଯାଇଛି। ଏବେ ୨୪ ଲକ୍ଷ ଟଙ୍କା ଆୟ ଉପରେ ୩୦ ପ୍ରତିଶତ ଟିକସ ଲାଗିବ। ୭୫ ହଜାର ଟଙ୍କା ପର୍ଯ୍ୟନ୍ତ ମାନକ ରିହାତି ପାଇଁ ଛାଡ ରହିବ। ଏହା ସହିତ, ୧୫-୨୦ ଲକ୍ଷ ଟଙ୍କା ଆୟ ଉପରେ ୨୦ % ଟିକସ ଲାଗିବ। ସେହିପରି ୮-୧୨ ଲକ୍ଷ ଟଙ୍କା ଆୟ ଉପରେ ୧୦% ଆୟକର ଦେବାକୁ ପଡିବ। ୪ ଲକ୍ଷ ପର୍ଯ୍ୟନ୍ତ କୌଣସି ଟିକସ ଲାଗୁ ହେବ ନାହିଁ।
