ଶ୍ରୀନଗର, ୨୪।୪ : ଦେଶରେ ମୌଳବାଦୀମାନଙ୍କର ପ୍ରାଧାନ୍ୟ ବଢ଼ିବାରେ ଲାଗିଛି। ମୌଳବାଦୀ ଗୋଷ୍ଠୀଙ୍କ ଚାପରେ ଭାରତୀୟ ସେନା ପକ୍ଷରୁ ଆୟୋଜିତ ହୋଇଥିବା ରୋଜା ଇଫତାର ପାର୍ଟି ପୋଷ୍ଟକୁ ସୋସିଆଲ ମିଡ଼ିଆରୁ ଡିଲିଟ କରାଯାଇଛି। ସେନା ଏଭଳି କରିବାsକୁ ବାଧ୍ୟ ହୋଇଥିବା କୁହାଯାଉଛି। ବାସ୍ତବରେ, ପ୍ରତିବର୍ଷ ପରି, ଏଥର ମଧ୍ୟ ଭାରତୀୟ ସେନା ନିଜର ଧର୍ମନିରପେକ୍ଷ ଭାବମୂର୍ତ୍ତି ଉପସ୍ଥାପନ କରି ଜନସାଧାରଣଙ୍କ ସହ ସମ୍ପର୍କ ସ୍ଥାପନ କରିବା ଉଦ୍ଦେଶ୍ୟରେ ଜମ୍ମୁ-କଶ୍ମୀରର ଡୋଡା ଜିଲାର ଆର୍ନୋରାରେ ଏକ ଇଫତାର ପାର୍ଟିର ଆୟୋଜନ କରିଥିଲା।
ଏହା ପରେ ସେନାର ଜମ୍ମୁ ଅଞ୍ଚଳର ପିଆରଓ ଟୁଇଟ କରି ଲେଖିଥିଲେ ଯେ ଧର୍ମନିରପେକ୍ଷତାର ପରମ୍ପରାକୁ ବଞ୍ଚାଇ ରଖି ଭାରତୀୟ ସେନା ଇଫତାର ପାର୍ଟିର ଆୟୋଜନ କରିଛି। ଏହା ପରେ, ସୋସିଆଲ ମିଡିଆରେ ମୌଳବାଦୀମାନେ ସେନାର ଏହି ପଦକ୍ଷେପକୁ ସମାଲୋଚନା କରିବା ସହିତ ସେନାକୁ ଟାର୍ଗେଟ କରିବା ଆରମ୍ଭ କଲେ। ଯାହା ପରେ ସେନା ପକ୍ଷରୁ ଏହି ପୋଷ୍ଟକୁ ଡିଲିଟ କରାଯାଇଛି। ଭାରତୀୟ ସେନା ଜାମ୍ମୁ କାଶ୍ମୀରର ଡୋଡା ଠାରେ ୨୧ ଏପ୍ରିଲରେ ଏକ ଇଫତାର ପାର୍ଟିର ଆୟୋଜନ କରିଥିଲା । ଏହା ପରେ ଭାରତୀୟ ସେନାର ଜମ୍ମୁ ଅଞ୍ଚଳର ପିଆରଓ ଇଫତାର ପାର୍ଟିର ଫଟୋ ଶେୟାର କରି ଟୁଇଟ କରିଥିଲେ।
ବିଭିନ୍ନ ଫଟୋରେ ଯେଉଁଥିରେ ଭାରତୀୟ ସେନାର ଯବାନ ଏବଂ ସାଧାରଣ ଲୋକ ଏକତ୍ର ଉପବାସ ଭାଙ୍ଗୁଥିବାର ଦେଖାଯାଇଥିଲା। ଏହି ଟୁଇଟକୁ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଜମ୍ମୁ-କଶ୍ମୀରର ଲ୍ୟୁଟନାଟ୍ ଗଭର୍ନର ତଥା ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ରଙ୍କୁ ଟ୍ୟାଗ କରାଯାଇଥିଲା।
ଏହି ଟୁଇଟ ଶେୟାର ହେବା ପରେ ବହୁ ଲୋକ ଏହାକୁ ବିରୋଧ କରିବାକୁ ଲାଗିଥିଲେ। ଦେଶରେ ଧର୍ମନିରପେକ୍ଷତାକୁ ପ୍ରୋତ୍ସାହିତ କରିବା ପାଇଁ ସେନା ଦ୍ୱାରା ଆୟୋଜିତ ଇଫତାର ପାର୍ଟିର ଏହି ଟୁଇଟକୁ ବହୁ ଲୋକ ଧର୍ମନିରପେକ୍ଷତା ରୋଗ ଏବେ ମଧ୍ୟ ସେନାରେ ଆରମ୍ଭ ହୋଇଥିବା କମେଣ୍ଟ ଦେଇଥିଲେ। ଲୋକମାନେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ପ୍ରସନ୍ନତାକୁ ଦୃଷ୍ଟିରେ ରଖି ସେନାର ପ୍ରଶଂସନୀୟ ପ୍ରୟାସକୁ ଦେଖି ସମାଲୋଚନା କରିବା ଆରମ୍ଭ କରିଥିଲେ। ବଢୁଥିବା ବିବାଦକୁ ଦୃଷ୍ଟିରେ ରଖି ସେନା ପକ୍ଷରୁ ବାଧ୍ୟ ହୋଇ ଏହି ପୋଷ୍ଟକୁ ଡିଲିଟ କରାଯାଇଥିଲା। ଲୋକଙ୍କ ବୁଝାମଣାକୁ ନେଇ ସେନା ଦୁଃଖ ପ୍ରକାଶ କରିଛି।
ଇଫତାର ପାର୍ଟିକୁ ଟ୍ରୋଲ କରାଯିବା ପରେ ଟୁଇଟ ଡିଲିଟ ହେବା ଉପରେ ଭାରତୀୟ ସେନା ମୁଖପାତ୍ର କୌଣସି ମନ୍ତବ୍ୟ ଦେଇନାହାଁନ୍ତି। ତେବେ ଜଣେ ସେନା ଅଧିକାରୀ ଗଣମାଧ୍ୟମକୁ କହିଛନ୍ତି ଯେ ଜନସାଧାରଣଙ୍କ ସହ ସମ୍ପର୍କ ସ୍ଥାପନ ପାଇଁ ସେନ ଦ୍ୱାରା ଇଫତାର ପାର୍ଟି ନିୟମିତ ଆୟୋଜିତ ହୋଇଥାଏ। ତେଣୁ ଏହି ପରମ୍ପରାକୁ ଅନୁସରଣ କରି ଜମ୍ମୁ-କଶ୍ମୀରରେ ଏଥର ମଧ୍ୟ ଏକ ପାର୍ଟିର ଆୟୋଜନ କରାଯାଇଥିଲା।
ସେ କହିଛନ୍ତି ଯେ ଏହି ପାର୍ଟିକୁ ଗୁପ୍ତଭାବେ ଦିଆଯାଇ ନାହିଁ। ସେ କହିଛନ୍ତି ଯେ ଏହା ବିଷୟରେ ଟୁଇଟ କରିବା ସହିତ ଏକ ପ୍ରେସ ବିଜ୍ଞପ୍ତି ଜାରି କରି ବିବୃତ୍ତି ମଧ୍ୟ ଜାରି କରାଯାଇଛି। ସେ କହିଛନ୍ତି ଯେ ଆମେ ଦୁଃଖିତ ଯେ ଲୋକମାନେ ଏହା ବିଷୟରେ ସଠିକ ଭାବରେ ବୁଝି ନାହାଁନ୍ତି।
