ଗଞ୍ଜାମ,୧୭।୪(ବିଦ୍ୟାଧର ସାହୁ): ରାଜ୍ୟ ସରକାରଙ୍କ ପକ୍ଷରୁ ସରକାରୀ ମେଡିକାଲ ଗୁଡିକୁ ମାଗଣା ଔଷଧ ପ୍ରଦାନ କରାଯାଉଛି । କିନ୍ତୁ ଗଞ୍ଜାମ ସ୍ବାସ୍ଥ୍ୟକେନ୍ଦ୍ରରେ ଉଚ୍ଚ ରକ୍ତଚାପ (ବ୍ଲଡ଼ ପ୍ରେସର) ଔଷଧ ମିଳୁ ନ ଥିବା ଅଭିଯୋଗ ହୋଇଛି l ଉକ୍ତ ମେଡିଶିନକୁ ନିୟମିତ ବ୍ୟବହାର କରୁଥିବା ବ୍ୟକ୍ତିମାନେ ସ୍ବାସ୍ଥ୍ୟକେନ୍ଦ୍ରକୁ ଆସି ନିରାଶ ହେଉଛନ୍ତି। ଏନେଇ ୱାର୍ଡ ନଂ ୬ର ବାବୁଲା ପଣ୍ଡା ଗଣମାଧ୍ୟମକୁ ସୂଚନା ଦେଇଛନ୍ତି ।
ଔଷଧ ନେଇ ପଚରାଯିବାରେ ଏଠାରେ ବହୁତ ଉଚ୍ଚ ରକ୍ତଚାପ ରୋଗୀ ଅଧିକ ଥିବାରୁ ସରିଯାଉଛି ବୋଲି ମେଡିକାଲ କର୍ତ୍ତୃପକ୍ଷ କହୁଥିବା ବାବୁଲା କହିଛନ୍ତି l ଅପରପକ୍ଷେ ମେଡିକାଲ କର୍ତ୍ତୃପକ୍ଷ ଉକ୍ତ ମେଡ଼ିସିନ ବିକ୍ରି କରି ଦେଉଥିବା ଅଭିଯୋଗ ହୋଇଛି । ମେଡିକାଲକୁ ଆସୁଥିବା ବାହାରୁ ନ କିଣି ଏଠାରେ କିଛି ପଇସା ଦିଅ ମେଡ଼ିଶିନ ମିଳିବ ବୋଲି କୁହାଯାଉଥିବା ଶୁଣିବାକୁ ମିଳିଛି l ଜିଲା ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ସ୍ଥାନୀୟ ଅଞ୍ଚଳବାସୀ ନିବେଦନ କରିଛନ୍ତି ।
