ଲଣ୍ଡନ/ଓ୍ବିଲିଣ୍ଟନ,୧୮।୩ : ଆମେରିକା ପରେ ଚାଇନା ଭିଡିଓ ଶେୟାରିଂ ପ୍ଲାଟଫର୍ମ ଟିକ୍ଟକ୍ ବିରୋଧରେ ବ୍ରିଟେନ ଏବଂ ନ୍ୟୁଜିଲାଣ୍ଡ ବର୍ତ୍ତମାନ ପ୍ରତିବନ୍ଧକ ଲଗାଇଛନ୍ତିି। ନ୍ୟୁୟର୍କ ଟାଇମ୍ସ ଏହି ସୂଚନା ଦେଇଛି ।
ଏହି ଭିଡିଓ ଶେୟାରିଂ ଆପର ମାଲିକାନା ସହ ଜଡିତ ସୁରକ୍ଷା ବିପଦକୁ ଦର୍ଶାଇ ବ୍ରିଟେନ ତୁରନ୍ତ ଟିକଟୋକ ଉପରେ ପ୍ରତିବନ୍ଧକ ଘୋଷଣା କରିଛି। ସଂସଦରେ ସୂଚନା ଦେଇ ଲେଙ୍କଷ୍ଟର ଇଚିର ଚାନ୍ସଲର ଅଲିଭର ଡାଉଡେନ ଏହି ପ୍ରତିବନ୍ଧକକୁ ‘ସତର୍କତା’ ବୋଲି ଉଲ୍ଲେଖ କରିଛନ୍ତି। ୟୁରୋପୀୟ ୟୁନିଅନର କାର୍ଯ୍ୟନିର୍ବାହୀ ଶାଖା, କାନାଡା, ଭାରତର ଏବଂ ଆମେରିକା ମଧ୍ୟ ଏଭଳି ପଦକ୍ଷେପ ନେଇସାରିଛନ୍ତି।
ଦ ନ୍ୟୁୟର୍କ ଟାଇମ୍ସ ଅନୁଯାୟୀ, ଡାଉଡେନ କହିଛନ୍ତି, ଏହି ସୋସିଆଲ ମିଡିଆ ଆପ ସରକାରୀ ଉପକରଣରେ ଯୋଗାଯୋଗ, ଉପଭୋକ୍ତା ବିଷୟବସ୍ତୁ ଏବଂ ଜିଓଲୋକେଶନ ତଥ୍ୟ ସମେତ ବହୁ ପରିମାଣର ଉପଭୋକ୍ତା ତଥ୍ୟ ସଂଗ୍ରହ ଏବଂ ସଂରକ୍ଷଣ କରିଥାଏ, ଯାହା ସମ୍ବେଦନଶୀଳ ହୋଇପାରେ। କରୋନା ମହାମାରୀ ପରେ ଟିକ୍ଟକ୍ ଏହାର ମାଲିକ ଚାଇନାର କମ୍ପାନୀ ବାଇଟ ଡାନ୍ସ ଉପରେ ଅଧିକ ସନ୍ଦେହ ସୃଷ୍ଟି କରିଛି।
ବ୍ରିଟେନର କାର୍ଯ୍ୟକଳାପ ବିଭିନ୍ନ ପାଶ୍ଚାତ୍ୟ ସରକାରରେ ଭୟ ପ୍ରକାଶ କରିଛନ୍ତି ଯେ, ଟିକ୍ଟକ୍ ବେଜିଂରେ ବିଭିନ୍ନ ସରକାର ଏବଂ ରାଜନେତା ତଥା ବରିଷ୍ଠ ଅଧିକାରୀଙ୍କ ଗୁପ୍ତତଥ୍ୟକୁ ବାଣ୍ଟିପାରେ।