ନୂଆଦିଲ୍ଲୀ,୨୩ ।୧୨: ରାଜସ୍ଥାନର ଉଦୟପୁରରେ ଜୁନ ମାସରେ ଜଣେ ଦର୍ଜି କହ୍ନେୟାଲାଲଙ୍କୁ ଅର୍ତିମ ଭାବେ ହତ୍ୟା କରାଯାଇଥିଲା । ଏହି ମାମଲାରେ ଗୁରୁବାର ଏକ ବଡ ଅପଡେଟ ସାମ୍ନାକୁ ଆସିଛି । ମାମଲାର ଯାଞ୍ଚ କରୁଥିବା ରାଷ୍ଟ୍ରୀୟ ଯାଞ୍ଚ ଏଜେନ୍ସି(ଏନଆଇଏ) ୨ ଜଣ ମୁଖ୍ୟ ଆକ୍ରମଣକାରୀ ମହମ୍ମଦ ରିୟାଜ ଅତ୍ରି ଓ ମହମ୍ମଦ ଗୌସ ସହିତ ୧୧ ଜଣଙ୍କ ବିରୋଧରେ ଅଭିଯୋଗ ଫର୍ଦ୍ଦ ଦାଖଲ କରିଛି । ଚାର୍ଜସିଟରେ ୨ ଜଣ ପାକିସ୍ତାନୀ ନାଗରିକଙ୍କର ନାମ ରହିଛି ।
ସୂଚନାଯୋଗ୍ୟ, ଜୁନ ୨୮ରେ ରାଜସ୍ଥାନର ଉଦୟପୁରରେ ସୁପ୍ରିମ ଟେଲର୍ସର ମାଲିକ କହ୍ନେୟାଲାଲଙ୍କ ମୁଣ୍ଡକୁ ଧାରୁଆ ଅସ୍ତ୍ରରେ ଆକ୍ରମଣ କରି ହତ୍ୟା କରାଯାଇଥିଲା । ଏହି ମାମଲାରେ ପୋଲିସ ମହମ୍ମଦ ରିୟାଜ ଅତ୍ରି ଓ ମହମ୍ମଦ ଗୌସଙ୍କୁ ଗିରଫ କରିଥିଲା ।
ଏନଆଇଏର ଜଣେ ପ୍ରବକ୍ତା କହିଛନ୍ତି ହତ୍ୟା ଓ ଏହାର ଭିଡିଓ ପ୍ରସାର କରି ସାରା ଦେଶର ଜନତାଙ୍କ ମଧ୍ୟରେ ଭୟ ସୃଷ୍ଟି କରାଯାଇଥିଲା । ପ୍ରଥମରୁ ଏହି ମାମଲା ରାଜସ୍ଥାନର ଉଦୟପୁର ଜିଲା ଧାନମଣ୍ଡି ପୋଲିସ ଷ୍ଟେଶନରେ ଦାଖଲ କରାଯାଇଥିଲା ପରେ ଏନଆଇଏ ଦ୍ୱାରା ଏହାକୁ ପୁଣିଥରେ ଦାଖଲ କରାଯାଇଥିଲା ।
