ନୂଆଦିଲ୍ଲୀ,୧୪।୫: ପାକିସ୍ତାନ ଉପରେ ଭାରତର ଜବାବି କାର୍ଯ୍ୟାନୁଷ୍ଠାନ ଅପରେସନ ‘ସିନ୍ଦୂର’ରେ ତୁର୍କୀର ୨ ଜଣ ସାମରିକ କର୍ମୀଙ୍କ ମୃତ୍ୟୁ ଘଟିଛି। ଏଥିରୁ ସ୍ପଷ୍ଟ ହୋଇଛି ଯେ ତୁର୍କୀ କେବଳ ୩୫୦ରୁ ଅଧିକ ଡ୍ରୋନ ଦେଇ ଭାରତ ବିରୁଦ୍ଧରେ ଉତ୍ତେଜନା ସମୟରେ ପାକିସ୍ତାନକୁ ସାହାଯ୍ୟ କରିନଥିଲା, ବରଂ ଅପରେଟର(ପରାମର୍ଶଦାତା)ମାନଙ୍କୁ ପଠାଇ ସାହାଯ୍ୟ କରିଥିଲା।
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଅପରେଶନ ‘ସିନ୍ଦୂର’ ପରେ ତୁର୍କୀର ପରାମର୍ଶଦାତାମାନେ ପାକିସ୍ତାନୀ ସେନା ଅଧିକାରୀମାନଙ୍କୁ ଭାରତ ଉପରେ ଡ୍ରୋନ ଆକ୍ରମଣ କିଭକଳି କରାଯିବ ସେଥିରେ ସାହାଯ୍ୟ କରିଥିଲେ। ତେବେ ପାକିସ୍ତାନ ଭାରତ ବିରୁଦ୍ଧରେ ବେରାକ୍ଟର୍ TB୨ ଏବଂ YIHA ଡ୍ରୋନ ବ୍ୟବହାର କରିଥିଲା। ଡ୍ରୋନ୍ଗଗୁଡ଼ିକୁ ଲକ୍ଷ୍ୟ ନିର୍ଣ୍ଣୟ ଏବଂ ସମ୍ଭାବ୍ୟ ଆକ୍ରମଣ ପାଇଁ ବ୍ୟବହାର କରାଯାଇଥିଲା।
ବିଗତ କିଛିବର୍ଷ ମଧ୍ୟରେ ପାକିସ୍ତାନ ସହିତ ତୁର୍କୀର ରଣନୈତିକ ପ୍ରତିରକ୍ଷା ସମ୍ପର୍କ ଚିନ୍ତାଜନକ ହାରରେ ବୃଦ୍ଧି ପାଇଛି। ତୁର୍କୀ ସରକାର କେବଳ ଗୁରୁତ୍ୱପୂର୍ଣ୍ଣ ସାମରିକ ହାର୍ଡୱେର୍ ଯୋଗାଉ ନାହାନ୍ତି ବରଂ ପାକିସ୍ତାନର ସେନାକୁ ସେଗୁଡ଼ିକ ବ୍ୟବହାର ଲାଗି ତାଲିମ ମଧ୍ୟ ଦେଉଛନ୍ତି।
ବିଶେଷଜ୍ଞଙ୍କ ମତରେ କୋଭିଡ-୧୯ ପରେ ଭାରତୀୟ ରପ୍ତାନିର ପ୍ରସାର ତୁର୍କୀକୁ ଏହାର ପ୍ରତିରକ୍ଷା ଉତ୍ପାଦନ ବୃଦ୍ଧି କରିବାରେ ସାହାଯ୍ୟ କରିଛି। ତୁର୍କୀକୁ ରପ୍ତାନି ହେଉଥିବା ପ୍ରମୁଖ ସାମଗ୍ରୀ ମଧ୍ୟରେ ଆଲୁମିନିୟମ, ଅଟୋ ଉପାଦାନ, ବିମାନ, ଟେଲିକମ ଉପକରଣ ଏବଂ ବୈଦ୍ୟୁତିକ ଯନ୍ତ୍ରପାତି ଏବଂ ଉପକରଣ ଆଦି ରହିଛି। ଏହା ଡ୍ରୋନ ଉତ୍ପାଦନ ବୃଦ୍ଧି ପଛରେ ରହିଛି।
