ଗଜପତି,୧୯ା୨(ଗିରିଧାରୀ ପରିଛା): ମାଳିୟାରା ଓ ପୁଡ଼ଇଡା ଗ୍ରାମ ନିକଟରେ ସଡ଼କ ଦୁର୍ଘଟଣା । ପରୀକ୍ଷା ଦେବାକୁ ଯିବା ବେଳେ ବାଇକ୍ ଦୁର୍ଘଟଣାରେ ଛାତ୍ର ଆହତ ହୋଇଛନ୍ତି । ସେମାନଙ୍କୁ ଆମ୍ବୁଲାନ୍ସ ଯୋଗେ ଗୁମ୍ମା ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଗଜପତି ଜିଲା ଗୁମ୍ମା ବ୍ଲକ ଅନ୍ତର୍ଗତ ବାଦୀଡ଼ି ଉଚ୍ଚ ପ୍ରାଥମିକ ବିଦ୍ୟାଳୟର ଦୁଇ ଛାତ୍ର ଲେକାଶ ଶବର ଓ ରୁହିତ ରଇତ ଗୁମ୍ମା ସରକାରୀ ଉଚ୍ଚ ବିଦ୍ୟାଳୟକୁ ପରୀକ୍ଷା ଦେବା ପାଇଁ ବାଇକରେ ଯାଉଥିଲେ । ଏହି ସମୟରେ ହଠାତ୍ ମାଳିୟାରା ଓ ପୁଡ଼ଇଡା ଗ୍ରାମ ନିକଟରେ ବାଇକ ସ୍ଲିପ ହୋଇ ହୋଇ ଦୁର୍ଘଟଣା ହୋଇଥିଲା । ବାଇକରୁ ପଡ଼ି ଦୁଇ ଛାତ୍ର ମଧ୍ୟରୁ ଜଣକର ହାତ ଭାଙ୍ଗିଯାଇଥିବା ବେଳେ ଆଉ ଜଣଙ୍କ ମୁହଁରେ ସାଙ୍ଘାତିକ ଭାବରେ ମାଡ଼ ହୋଇଛି । ଆଖ ପାଖରେ ଥିବା ଗ୍ରାମର ଲୋକମାନେ ଦୁଇ ଛାତ୍ର ବାଇକରୁ ପଡ଼ିଥିବା ଦେଖି ତୁରନ୍ତ ତାଙ୍କୁ ଆମ୍ବୁଲାନ୍ସ ଯୋଗେ ଗୁମ୍ମା ଚିକିତ୍ସାଳୟକୁ ପଠାଇଛନ୍ତି । ବର୍ତ୍ତମାନ ଦୁଇ ଛାତ୍ରଙ୍କ ପରୀକ୍ଷାକୁ ନେଇ ଏବଂ ତାଙ୍କ ଭବିଷ୍ୟତକୁ ନେଇ ଚିନ୍ତାରେ ରହିଛନ୍ତି ପରିବାର ବର୍ଗ।
