କଳିଙ୍ଗନଗର,୧୦।୫(ଶୁଭାଶିଷ ରାଉତ): ଯାଜପୁର ଜିଲା କଳିଙ୍ଗନଗର ଥାନା ଅଞ୍ଚଳର ୨ ନାବାଳିକା ଭଉଣୀଙ୍କୁ ଦୁଇ ସାଙ୍ଗ ବିବାହ ପ୍ରଲୋଭନ ଦେଖାଇ ଗର୍ଭବତୀ କରିଥିବା ଅଭିଯୋଗ ପରେ ପୋଲିସ ୨ ସାଙ୍ଗଙ୍କୁ ଶନିବାର ଗିରଫ କରି କୋର୍ଟଚାଲାଣ କରିଛି। ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲହାଜତକୁ ପଠାଇ ଦିଆଯାଇଛି। ସେମାନେ ହେଲେ ଢେଙ୍କାନାଳ ଜିଲା କଙ୍କଡାହାଡ଼ ଥାନା କଣ୍ଟାପାଳ ଗ୍ରାମର ପପୁ ଲୋହାର(୨୩) ଓ ସୁହାଗିନାଳି ଗ୍ରାମର ସଞ୍ଜୟ ପୂର୍ତ୍ତି (୨୩)। ଦୁଇ ୧୬ ବର୍ଷୀୟା ନାବାଳିକା ସମ୍ପର୍କରେ ମାଉସୀ ଓ ମାମୁ ଝିଏ ଭଉଣୀ। ସେମାନେ ୨୨ା୦୧ା୨୦୨୬ରେ ଘରୁ ପଳାଇଥିଲେ। ଏନେଇ ନାବାଳିକାଙ୍କ ପରିବାର ଝିଅ ନିଖୋଜ ଥିବା ଥାନାରେ ଅଭିଯୋଗ କରିଥିଲେ। ନାବାଳିକାଦ୍ୱୟ ପୁରୁଷ ବନ୍ଧୁଙ୍କ ସହ କେନ୍ଦୁଝର ଅଞ୍ଚଳରେ ୬ ମାସ ଧରି ରହିଥିଲେ। ପୋଲିସ ଚଢ଼ାଉ କରି ଅଭିଯୁକ୍ତଙ୍କୁ ଗିରଫ କରିବା ସହ ନାବାଳିକାଙ୍କୁ ଉଦ୍ଧାର କରିଥିଲା। ଏନେଇ ଥାନାରେ ନଂ.୧୭/୨୬ରେ ମାମଲା ରୁଜୁ ହୋଇଛି।