ନବରଙ୍ଗପୁର,୧।୫(ବି.ପ୍ର.): ଡିଭିଏଫ୍ ଫୋର୍ସ ୩୦ତାରିଖରେ ଦୁଇ ମିଲିସିଆଙ୍କୁ ଗିରଫ କରିଛି। ଦୁଇ ଅଭିଯୁକ୍ତ ହେଲେ ହେମାଲାଲ ନାଗେଶ(୩୧) ଓ ପ୍ରକାଶ ମାର୍କମ(୨୦)। ହେମାଲାଲ ଏବଂ ପ୍ରକାଶ ମେନପୁର, ନୂଆପଡା ଉଦନ୍ତୀ ମାଓ ସଂଗଠନର ମିଲିସିଆ ଭାବେ କାମ କରୁଥିଲେ। ଉଦନ୍ତୀ ଏଲୋସି, ମେନପୁର ନୂଆପଡା ଡିଭିଜନ ଏବଂ ନବରଙ୍ଗପୁରର ଅନେକ ମାମଲାରେ ଏମାନେ ଜଡିତ ଅଛନ୍ତି। ହେମାଲାଲ ଓ ପ୍ରକାଶଙ୍କ ଘର ଛତିଶଗଡ ଗରିଆବନ୍ଦ ଜିଲା ସୋବା ଥାନା ଅଧୀନ ମୋତିପାନି ଓ ଭୁତବେଡା ଗ୍ରାମ। ଡିଭିଏଫ୍ ଫୋର୍ସ ସେମାନଙ୍କଠାରୁ ମାଓ ପୋଷ୍ଟର ଓ ବ୍ୟାନର ଜବତ କରିଛି। ପୋଷ୍ଟର ଓ ବ୍ୟାନର ଲଗାଇବାରେ ଏମାନଙ୍କ ନାଁରେ ପୂର୍ବରୁ ରାଇଘର ଥାନାରେ ମାମଲା ରୁଜୁ ହୋଇଥିଲା।
ନବରଙ୍ଗପୁର ଜିଲା ରାଇଘର ଥାନା ଅଧୀନରେ ହାତଗୀଗାଓଁ ରିଜର୍ଭ ଜଙ୍ଗଲ କ୍ଷେତ୍ର ରହିଛି । ମେନପୁର ନୂଆପଡା ଡିଭିଜନ ସୁନୀଲଙ୍କ ଦ୍ୱାରା ମାଓବାଦୀ ଗୋଷ୍ଠୀ ନେତୃତ୍ୱ ନେଉଛନ୍ତି । ଏକ ସ୍ବତନ୍ତ୍ର ମାଓବାଦୀ ଅପରେଶନ ନବରଙ୍ଗପୁର ଡିଭିଏଫ୍ ଟିମ୍ ହାଟିଗାଁ ରିଜର୍ଭ ଜଙ୍ଗଲ ଅଞ୍ଚଳରେ ଆରମ୍ଭ ହୋଇଥିଲା । ଜଙ୍ଗଲ ମଧ୍ୟରେ ଡିଭିଏଫ୍ ଟିମ୍ ଉପରୋକ୍ତ ମାଓବାଦୀ ଗୋଷ୍ଠୀର ଗତିବିଧି ଉପରେ ନଜର ରଖିଥିଲା।
ସେମାନେ ମାଓବାଦୀ ଗୋଷ୍ଠୀଙ୍କୁ ଗୋଡ଼ାଇଥିଲେ, କିନ୍ତୁ ପାହାଡ଼ିଆ ଅଞ୍ଚଳ ଏବଂ ଘଞ୍ଚ ଜଙ୍ଗଲର ସୁଯୋଗ ନେଇ ସେମାନେ ପଳାଇ ଯାଇଥିଲେ। ପରେ ମାଓବାଦୀଙ୍କ ଗତିବିଧି କ୍ଷେତ୍ରର ସନ୍ଧାନ କରି ଡିଭିଏଫ୍ ଟିମ୍ ଦୁଇଜଣଙ୍କୁ ଧରିଛନ୍ତି। ତେବେ ସେମାନେ ମାଓବାଦୀ ବ୍ୟାନର ଏବଂ ପୋଷ୍ଟର ସହିତ ସାଦା ପୋଷାକରେ ଥିବାରୁ ମାଓବାଦୀ ମିଲିସିଆ ବୋଲି ସନ୍ଦେହ କରିଥିଲେ। ପରେ ଦୁହିଁଙ୍କୁ ଯାଞ୍ଚ କରିଥିଲେ। ଯାଞ୍ଚ ପରେ ହେମାଲାଲ ଓ ପ୍ରକାଶ ନିଜକୁ ମିଲିସିଆ ବୋଲି ପରିଚିୟ ଦେଇଥିଲେ।
