କୋଲକାତା, ୬ ।୧୧: ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲାରେ ରବିବାର ଟିଏମସିିର ପଞ୍ଚାୟତ ସଦସ୍ୟଙ୍କ ନିର୍ମାଣାଧିନ ଘର ଉପରେ ଦେଶୀ ବୋମା ପକାଯାଇଛି । ଏଥିରେ ୨ ଜଣ ରାଜମିସ୍ତ୍ରୀ ଆହତ ହୋଇଛନ୍ତି । ଯେତେବେଳେ ଡେଗଂଗା ଅଞ୍ଚଳରେ ରାଜମିସ୍ତ୍ରୀ ସାଇଟ ଉପରେ କାମ କରୁଥିଲେ ଠିକ୍ ସେତିକି ବେଳେ ବୋମା ଫୁଟିବାରୁ ଏମାନେ ସାମାନ୍ୟ ଆହତ ହୋଇଛନ୍ତି ।
ଘଟଣା ସମ୍ପର୍କରେ ସୂଚନା ଦେଇ ପୋଲିସ ଅଧିକାରୀ କହିଛନ୍ତି ଉକ୍ତ ସ୍ଥାନରୁ ୩ଟି ଜୀବନ୍ତ ବୋମା ଉଦ୍ଧାର କରାଯାଇଛି । ପରେ ଏହାକୁ ନିଷ୍କ୍ରିୟ କରି ଦିଆଯାଇଛି । ସ୍ଥାନୀୟ ଲୋକେ ଦାବି କରିଛନ୍ତି କି ନିର୍ମାଣାଧିନ ବିଲଡିଂ ଟିଏମସି ପଞ୍ଚାୟତ ସଦସ୍ୟଙ୍କର । ଏ ସମ୍ପର୍କରେ ଘର ମାଲିକଙ୍କୁ ପଚରା ଯିବା ସହ ଘଟଣାର ଯାଞ୍ଚ ଆରମ୍ଭ ହୋଇଛି ।
