ନୂଆଦିଲ୍ଲୀ,୨୧।୪: ମାଇକ୍ରୋବ୍ଲଗିଂ ସାଇଟ ଟୁଇଟରର ସିଇଓ ଏଲନ ମସ୍କଙ୍କ ଘୋଷଣା ମୁତାବକ ଯାଞ୍ଚ ହୋଇଥିବା ଆକାଉଣ୍ଟରେ ଥିବା ବ୍ଲୁ ଟିକ୍ ମାର୍କକୁ ହଟାଇ ଦିଆଯାଇଛି। ଏହି କ୍ରମରେ କଂଗ୍ରେସ ନେତା ରାହୁଲ ଗାନ୍ଧୀ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ, କ୍ରିକେଟର ବିରାଟ କୋହଲି, ଅଭିନେତା ଶାହରୁଖ ଖାନଙ୍କ ସମେତ ବହୁ ବିଶିଷ୍ଟ ବ୍ୟକ୍ତିତ୍ୱଙ୍କ ବ୍ଲୁ ଟିକ୍ ମାର୍କକୁ ହଟାଇ ଦିଆଯାଇଛି।
ଟୁଇଟର ନୂତନ ନିୟମ ଅନୁଯାୟୀ, ବର୍ତ୍ତମାନ ସେମାନଙ୍କର ପ୍ଲାଟଫର୍ମ କେବଳ ସେହି ଲୋକଙ୍କୁ ବ୍ଲୁ ଟିକ୍ ମାର୍କ ଦେବ ଯେଉଁମାନେ ବ୍ଲୁ ଟିକ୍ ପାଇଁ ଦେୟ ଦିଅନ୍ତି । କମ୍ପାନୀ ମାଲିକ ଏଲନ ମସ୍କ ଏହା କିଛି ମାସ ପୂର୍ବରୁ ଘୋଷଣା କରିଥିଲେ, ସେ କହିଥିଲେ ଯେ ଏପ୍ରିଲ ୨୦ପରେ, ସେହି ଆକାଉଣ୍ଟଗୁଡିକରୁ ବ୍ଲୁ ଟିକ ହଟାଯିବ ଯାହା ପେଡ ସବସ୍କ୍ରିପସନ ନେଇ ନାହିଁ। ସେ କହିଛନ୍ତି ଯେ ଯଦି ବ୍ଲୁ ଟିକ୍ ଆବଶ୍ୟକ ହୁଏ, ତେବେ ଏଥିପାଇଁ ମାସିକ ଚାର୍ଜ ଦେବାକୁ ପଡିବ।
